Erevanda saýda ortalyǵyndaǵy jarylystan 50 adam japa shekken

EREVAN. ARMENPRESS – QazAqparat - Erevanda saýda ortalyǵynda jarylys bolyp, 50 adam jaralandy. Bir adam mert boldy. Qutqarý jumystary jalǵasýda, dep habarlaıdy QazAqparat Armenpress agenttigine silteme jasap.

Armenııa Respýblıkasy Densaýlyq saqtaý mınıstrliginiń málimetinshe, jaralanǵandar «Armenııa», «Erebýnı», «№ 1 ýnıversıtet aýrýhanasy», «Sýrb Astvatsamaır», «Shengavıt» jáne «Izmırlıan» medıtsınalyq ortalyqtaryna jatqyzylǵan.

«14 tamyz kúni 13:23-te AR TJM Daǵdarys basqarmasy ulttyq ortalyǵynyń qutqarý qyzmetine «Sýrmalý» saýda úıinde jarylys bolǵany jóninde habar túsken. Oqıǵa ornyna AR TJM Qutqarý qyzmeti órt-qutqarý otrıadynyń 6 jaýynger toby, jedel áreket etý toby, órt sóndirýshiler otrıady, arnaıy qutqarýshylar otrıady, qutqarý qyzmetiniń psıhologtary attandy» dep jazady Armenpress .

Kúrdeliligi №3 deńgeıdegi órtti sóndirýge shaqyrtý jarııalandy.

4 aýmaqta órt oshaǵy bar, olar sóndirilýde. 14 sýatqysh mashına, 8 júk tıegish kólik, 3 traktor jumys istep jatyr.

Aıta keteıik, buǵan deıin Erevanda jarylys bolǵanyn habarlaǵan edik.