Erevanda polıtsııa bólimshesine qarýly adamdar basyp kirdi

<p>ASTANA. KAZINFORM &mdash; Erevandaǵy Nor-Nork ákimshilik aýdanynda ornalasqan polıtsııa bólimshesine qarýly adamdar basyp kirdi, dep habarlady <a href="https://tass.ru/proisshestviya/20341961" target="_blank" rel="noopener">TASS</a>.</p>

Oqıǵa ornyna polıtsııanyń qosymsha kúshteri, jedel járdem jáne tótenshe jaǵdaılar qyzmeti, Armenııa polıtsııasynyń arnaıy jasaǵy attandy. Alań qorshaýǵa alyndy.

TASS tilshisiniń habarlaýynsha, qolyna granataǵa uqsas zat ustaǵan belgisiz bireý Armenııa premer-mınıstri Nıkol Pashınıannyń otstavkaǵa ketýin talap etip esik aldyna shyǵyp, qaıtadan ǵımaratqa kirip ketken.

Armenııa ІІM baspasóz hatshysy Narek Sarkısıan bul aqparatty rastady.

Onyń aıtýynsha, polıtsııa bólimshesine basyp kirgen úsheýdiń ekeýi granatanyń jarylýy saldarynan jaraqat alǵan.

— Shabýyl jasaǵan úsh adam boldy, olardyń ekeýi óz granatasynyń jarylýy saldarynan jaralandy. Bireýi áli stantsııada. Ony zalalsyzdandyrý sharalary júrgizilip jatyr - , dedi ol.

Aldyn ala málimet boıynsha, shabýyl saldarynan polıtsııa qyzmetkeriniń eshqaısysy zardap shekken joq.

Keıin Armenııa Ulttyq qaýipsizdik qyzmetiniń arnaıy jasaǵy shabýyldaýshyny ustady.