Erevanda polıtsııa bólimshesin basyp alǵan toptyń bir múshesi Facebook-ke beınerolık jarııalady (VIDEO)
Kadrda olardyń avtomattarmen qarýlanǵany kórinip tur, bólmeniń birinde polıtseıler kepilde otyrǵany da baıqalady.
Armenııa polıtsııasynyń aqparaty boıynsha, 17 shilde kúni tańerteń, bir top adam Erevannyń Erýbenı aýdanynyń polıtsııa bólimshesin basyp alǵan. Armenııa prezıdenti Serj Sargsıan rejımin kúshtep taıdyrýǵa úndeıtin «Quryltaıshy parlament» jáne «Jańa Armenııa» radıkaldy qozǵalysy jaqtaýshylarynan quralǵan qarýly 25 adam polıtsııa bólimshesiniń qaqpasyn buzyp kirgen.
Quqyq qorǵaýshylardyń aqparatyna sáıkes, olardyń qolynda 6-8 adam bar.
Oqıǵa ornyna arnaıy jasaq kelip jetti, sondaı-aq arnaıy tehnıka da jetkizilgen.
Aldyn ala málimetter boıynsha, qarýly toptyń basty talaptarynyń biri - 2016 jyly 23 maýsymda Erevan telemunarasyna qarýly shabýyl jasamaq boldy degen aıyppen 2 aıǵa qamalǵan «Quryltaıshy parlament» jáne «Jańa Armenııa» radıkaldy qozǵalysynyń kóshbasshysy Jıraıra Sefılıandy bosatý.
Jıraıra Sefılıan «bir top tulǵalarmen birge, aldyn ala kelisim boıynsha birneshe qarý-jaraq pen oq-dári, jarylǵysh zattar nemese jarylǵysh qurylǵylardy zańsyz satyp alý, satý, saqtaý, tasymaldaý nemese alyp júrý» baby boıynsha aıyptalýda.
Oqıǵa orny polıtsııamen qorshaýǵa alyndy, ol jerde birneshe jedel medıtsınalyq járdem kóligi kezekshilik etýde.
Aldyn ala maǵlumattarǵa sáıkes, atys barysynda qarýly toptyń bir múshesi jaraqat alǵan.