Erevanda qazaqstandyq «Kóshpendiler» fılmi kórsetildi
16 jeltoqsan kúni Qazaqstannyń Armenııadaǵy Elshiliginiń bastamasymen Erevan qalasynyń «Máskeý» kınoteatrynda armıan kórermenine qazaqstandyq «Kóshpendiler» atty tarıhı blokbaster kórsetildi.
Kórsetilim aldynda Qazaqstannyń Armenııadaǵy Elshisi Tımýr Orazaev qonaqtarmen amandasyp, osydan týra 27 jyl buryn, 1991 jyldyń 16 jeltoqsanynda álemniń saıası kartasynda jańa memleket - Táýelsiz Qazaqstan paıda bolǵanyn atap ótti.
«Jeltoqsannyń sol kúninde biz erkindik pen táýelsizdikti tańdadyq. Bizdiń urpaq úshin ata-babalarymyzdyń ańsap ketken izgi arman-muratyn iske asyrý qurmeti tústi. Qazaqstan Elshiligi armıan halqynyń kórermenine dál osy «Kóshpendiler» fılmin kórsetýi - kezdeısoq jaǵdaı emes. Sebebi bul týyndy - qazaq memlekettiligi men egemendiginiń qalyptasýy týraly baıandaıtyn, lırıkaǵa toly kartına», - dep atap ótti ol.
Keshtiń qonaqtary - Armenııanyń zııaly qaýymy, sarapshylary, buqaralyq aqparat quraldarynyń ókilderi Qazaqstan halqyn, onyń Tuńǵysh Prezıdenti N.Nazarbaevty Táýelsizdik kúnimen quttyqtap, izgi nıetterin bildirdi.
«Kóshpendiler» - 2005 jyly qazaq klassıgi Іlııas Esenberlınniń «Kóshpendiler» atty trılogııasy kitaptarynyń biri boıynsha túsirilgen fılm. Fılmniń tarıhı negizi - qazaqtyń ataqty hany Abylaıdyń ómirbaıany. Tanymal qazaq akterlerinen bólek kartınaǵa Gollıvýd juldyzdary Mark Dakaskos, Djeıson Skott Lı jáne taǵy basqalary túsken.