Qazaqstan men Armenııa týrızm salasyn birlesip damytýǵa ýaǵdalasty

<p>EREVAN. KAZINFORM &ndash; Erevandaǵy Qazaqstan men Armenııa bıznes-forýmy aıasynda ekijaqty ekonomıkalyq qatynastarǵa jańa serpin berýge arnalǵan qujattar toptamasyna qol qoıyldy.</p>

Qol qoıylǵan qujattardyń ishinde Qazaqstannyń syrtqy saýda palatasy men Armenııanyń saýda-ónerkásip palatasy, týrızm, ınvestıtsııa, saýda salasyndaǵy memlekettik qurylymdar men bıznes arasyndaǵy memorandýmdar bar. Sonymen qatar, qazaqstandyq jáne armenııalyq munaı-gaz jáne munaı-hımııa kompanııalary arasyndaǵy óndiris jáne oqshaýlaý týraly birqatar kelisimderge qol qoıyldy.

Erevanda QR Saýda jáne ıntegratsııa mınıstri Arman Shaqqalıev pen AR Ekonomıka mınıstri Gevorg Papoıannyń qatysýymen Qazaqstan-Armenııa bıznes-forýmy ótti. Forýmda elder arasyndaǵy saýda-ekonomıkalyq qatynastar, týrızm, logıstıka jáne óndiris salalaryndaǵy yntymaqtastyqty tereńdetý máseleleri talqylandy.

Qol qoıylǵan qujattar tizimi:

Qazaqstannyń Syrtqy saýda palatasy men Armenııanyń Saýda-ónerkásip palatasy arasyndaǵy ózara túsinistik týraly memorandým.

«Qazaq ınvest» AQ men Armenııanyń Investıtsııalardy yntalandyrý agenttigi arasyndaǵy ózara túsinistik týraly memorandým.

«Kazakh Tourism» Ulttyq kompanııasy» AQ men Armenııa Týrızm Federatsııasy arasyndaǵy ózara túsinistik týraly memorandým.

«AirGas-Eurasia» JShS men «RSV GROUP» jaýapkershiligi shekteýli seriktestigi arasynda 4 tıpti kompozıttik ballondardy óndirý týraly kelisim.

«AirGas-Eurasia» JShS men «GAZART» jaýapkershiligi shekteýli seriktestigi arasyndaǵy modýldik óndiristi oqshaýlaý týraly kelisim.

«Legal Consulting Community Limited» JShS men «Logovıt» zań fırmasy arasyndaǵy yntymaqtastyq týraly kelisim.