Erevanda Qazaq kınosy aptalyǵy ótip jatyr

ASTANA. QazAqparat - 18-21 qyrkúıek aralyǵynda, Qazaqstan Respýblıkasy men Armenııa Respýblıkasy arasyndaǵy dıplomatııalyq qarym-qatynastardyń 25 jyl tolýyna oraı Erevan qalasyndaǵy «Máskeý» kınoteatrynda Qazaq kınosy aptalyǵy ótip jatyr, dep habarlaıdy «Qazaqfılm» kınostýdııasynyń baspasóz qyzmeti.

Atalmysh mádenı-is sheńberi aıasynda ár jyldary jaryqqa shyqqan úzdik otandyq fılmder kórsetiledi. 

Erevan qalasynda ótetin Qazaq kınosy aptalyǵy Ernest Hemıngýeıdiń «Shal men teńiz» povesi jelisi boıynsha túsirilgen rejısser Ermek Tursynovtyń «Shal» fılmimen ashyldy. Fılmdi armıan kórermenderine basty róldi somdaǵan akter Erbolat Toǵyzaqov tanystyrdy. 
Atalǵan jobanyń negizgi maqsaty - kınematografııa salasyndaǵy eki el arasyndaǵy ekijaqty qarym-qatynastardy nyǵaıtý, sondaı-aq armıan kórermenderin Qazaqstannyń qazirgi kınosymen tanystyrý.
Mádenı is-shara barysynda Sh.Aımanov atyndaǵy «Qazaqfılm» kınostýdııasy jaryqqa shyǵarǵan basqa da fılmder kórsetiledi, olar: rejısser Rústem Ábdirashtyń «Stalınge syılyq» (19 qyrkúıek) jáne «Balalyq shaǵymnyń aspany» (20 qyrkúıek) fılmderi, rejısserler úlken Sergeı Bodrov, Talǵat Temenov jáne Ivan Passerdiń «Kóshpendiler» (21 qyrkúıek). Qazaq kınosy aptalyǵy 22 qyrkúıeı kúni Eldor Ýrazbaevtyń «Transsibir ekspresi» fılmimen aıaqtalady. 
Fılmder orys tilinde, «Máskeý» kınoteatrynda kúnde saǵat  19:00 kórsetiletin bolady. Kirý tegin.