Erevan men Baký bitimgershilik kelisim jobasynyń 17 babynyń 15-i boıynsha kelisti

<p>ASTANA.KAZINFORM - Armenııa Ázerbaıjanmen qarym-qatynasty tolyq qalypqa keltirýge baǵyttalǵan kelissózderge&nbsp; qatysýdy jalǵastyryp jatyr, dep habarlaıdy <a href="https://www.inform.kz/ru/erevan-i-baku-soglasovali-15-iz-17-statey-proekta-mirnogo-soglasheniya-9e6a79" target="_blank" rel="noopener">Kazinform</a> agenttiginiń menshikti tilshisi.&nbsp;</p>

EQYU Mınıstrler keńesiniń 31-shi otyrysynda sóz sóılegen Armenııa Syrtqy ister mınıstri Ararat Mırzoıan Armenııa men Ázerbaıjan arasyndaǵy kelissóz máselesine toqtaldy. Onyń aıtýynsha, ótken jyldaǵy ekijaqty kelissózder Armenııa men Ázerbaıjan arasyndaǵy shekarany delımıtatsııalaý jáne memleketaralyq shekaranyń 12 shaqyrymdyq ýchaskesin anyqtaý týraly erejege qol qoıýǵa ákeldi.

- Biz eki el arasynda Beıbitshilik kelisimine qol qoıý jolynda birshama jetistikke qol jetkizdik. Kelisim jobasynyń 17 babynyń Preambýlasy men 15-in kelistik. Al eger saıası erik jetkilikti bolsa, ony tez arada jasap, qol qoıýǵa bolady, - degen Ararat Mırzoıan Armenııanyń kelisimge qol qoıýǵa daıyn ekenin atap ótti.

Ústimizdegi jyldyń tamyz aıynda Armenııa premer-mınıstri Nıkol Pashınıan taraptar beıbit kelisimniń 17 babynyń 13-i boıynsha kelisimge kelgenin málimdegen.

Qyrkúıek aıynda Armenııa Mınıstrler kabınetiniń basshysy Ázerbaıjandy 16 baptan turatyn bitimgershilik kelisimge qol qoıýǵa shaqyryp, taraptar bitimgershilik sharttyń 13 jáne ishinara taǵy 3 baby boıynsha tolyq keliskenin atap ótti.

Keıin Ázerbaıjan Syrtqy ister mınıstrligi baspasóz qyzmetiniń jetekshisi Aıhan Hadjızade jergilikti BAQ ókilderine bergen suhbatynda Armenııa usynǵan tásil – qazirgi kezde kelisilgen erejelerge ǵana negizdelgen beıbit kelisimge qol qoıý Baký úshin qolaısyz ekenin málimdedi.

13 qarashada Armenııa Ulttyq assambleıasynda sóılegen sózinde Nıkol Pashınıan Erevan Bakýge beıbit kelisimniń kelisilmegen eki baby boıynsha óz usynystaryn jibergenin aıtty.

Qazaqstan Prezıdenti Qasym-Jomart Toqaev frantsýzdyq Le Figaro gazetindegi pikirinde Qazaqstan Ázerbaıjan men Armenııanyń qarym-qatynasyndaǵy jańa umtylysty tolyq qoldaıtynyn jazdy.