Erevan qalasynda «Naýryz meıramy» mereıtoılyq kontserti ótti

ASTANA. QazAqparat - 2017 jylǵy 24 naýryzda Erevan qalasynda Arno Babadjanıan atyndaǵy memlekettik fılarmonııada «Naýryz meıramy» atty qazaq folklorlyq jáne klassıkalyq mýzykasynyń kontserti ótti. Іs-sharany Armenııadaǵy Qazaqstan jáne Túrikmenstan elshilikteriniń ókilderi uıymdastyrdy, dep habarlaıdy QazAqparat.

Atalǵan is-sharaǵa mınıstrlikter men vedomstvolardyń ókilderi, qoǵam qaıratkerleri, sheteldik dıpmıssııalardyń basshylary jáne Armenııadaǵy Qazaqstannyń dıaspora músheleri keldi.

Kontserttik baǵdarlamaǵa arnaıy Almaty jáne Qostanaı qalalarynan kelgen kórkemónernazdar uıymynyń músheleri qatysty. Máselen, Almaty qalasynyń №18 mektebiniń oqýshysy Ashot Mhıtarıan «Orteke», «Saranjap», «Balbyraýyn», «Álqıssa», «Áke tolǵaýy» jáne «Sekirtpe» sııaqty qazaq kúılerin dombrada oryndady. Sondaı-aq, kontserttik baǵdarlamada «Men qazaqtyn qyzymyn» atty ánimen «Qazaqstan-Qostanaı» telearnasynyń redaktory Gaıane Martırosıan, «Kózimniń qarasy» ánimen Dılıjan qalasynyń Birikken álem kolledjiniń oqýshysy Arnur Sabet jáne Ǵazıza Jubanova men Arno Babdjanıannyń mýzykalyq shyǵarmalardyń oryndaýymen P. Chaıkovskıı atyndaǵy mýzykalyq mekteptiń qazaqstandyq oqýshysy óner kórsetti.

Kontsertten keıin is-sharanyń qonaqtary naýryz-kójeniń dámin tatyp, Qazaqstan men Túrkmenstannyń dástúrli ulttyq taǵamdarynan aýyz tıip, qazaqtyń kıiz úı ishindegi buıymdardy tamashalady.