Eresekter kóbine mas bolyp, balalar qaraýsyz qalǵannan sýǵa ketip jatyr – TJM

<p>ASTANA. KAZINFORM &ndash; Elimizde adamdardyń shomylý kezinde sýǵa batyp ketýiniń negizgi sebepteri ataldy.</p>

«Elimizde 85 myńnan astam ózen jáne 48 myń kól bar. Baıqaǵanymyz, Balqash, Kaspıı basqa da úlken sý aıdyndaryna qaraǵanda, kishirek ózen, kólderde sýǵa ketý jaǵdaıy jıi oryn alady. Eresekterge kelsek, kóbinese ishimdik ishkenniń kesiri, al balalar eresekterdiń qaraýynsyz qalǵandyqtan shomylýdyń arty qaıǵyly jaǵdaıǵa ulasyp jatady», - dedi TJM Azamattyq qorǵanys jáne áskerı bólimder komıteti tóraǵasynyń orynbasary Aqylbek Ahmetjanov Ortalyq kommýnıkatsııalar qyzmeti alańynda ótken baspasóz máslıhatynda.

Sondaı-aq, TJM ókiliniń aıtýynsha, keıbir adamdar shamasyna qaramaı júzgisi keledi.

Shildeniń basynda habarlaǵanymyzdaı, shomylý maýsymy bastalǵaly elimizde 70 adam sýǵa ketip mert bolǵan.