Eren erligi úshin «Aıbyn» ordenimen marapattalǵan J. Baıanbaevqa «leıtenant» sheni berildi
Leıtenanttyq pogondardy oǵan Ulttyq ulan «Ońtústik» óńirlik qolbasshylyǵynyń qolbasshysy general-maıor Álibek Serálıev jeke ózi tabys etti. Bul týraly «Ońtústik» óńirlik qolbasshylyǵynyń baspasóz qyzmeti habarlady.
Aıta keteıik, 2014 jylǵy 5 jeltoqsanda «Almaty-Semeı» baǵytynda sottalǵandardy josparly temir jol qaraýylymen tasymaldaý barysynda qaraýyl jeke quramy asa aýyr qylmystar úshin sottalǵan azamattyń qarýly shabýyl arqyly kúzetten qashyp shyǵý áreketin toıtardy. Qaraýyl bastyǵynyń kómekshisi serjant Jandos Baıanbaev pen saqshy efreıtor Nurasyl Múbarakov ózderiniń otty qarýdan jaraqat alǵandaryna, ómirlerine tóngen naqty qaýipke qaramastan jaýyngerlik qyzmetin janqııarlyqpen oryndap, aram pıǵyldy qylmyskerdiń óz oıyn júzege asyrýyna jol bermedi.
Kórsetken eren erlikteri úshin Qazaqstan Respýblıkasynyń Prezıdenti - Qarýly kúshterdiń Joǵarǵy Bas qolbasshysy Nursultan Nazarbaev óz Jarlyǵymen 7552 áskerı bólimi qaraýyl bastyǵynyń kómekshisi serjant Jandos Baıanbaevty 3-dárejeli «Aıbyn» ordenimen, al saqshy efreıtor Nurasyl Baıanbaevty «Jaýyngerlik erligi úshin» medalimen nagradtaǵan bolatyn.