Erekshe oqytýdy qajet etetin balalarǵa arnalǵan qosymsha ázirlendi

Almaty qalasyndaǵy FMB NIS oqýshylary aýtızm spektriniń buzylýy bar adamdardyń emotsıonaldy ıntellektisiniń damýyna yqpal etetin «Drive Beyond» qosymshasyn ázirledi, dep habarlaıdy QR Oqý-aǵartý mınıstrliginiń baspasóz qyzmeti.

Bul qosymsha qazirdiń ózinde birqatar bilim berý ortalyqtarynda sátti qoldanylýda, ásirese, 5 pen 13 jas aralyǵyndaǵy balalar arasynda aıtarlyqtaı oń nátıjesin berýde.

«Drive Beyond» qosymshasy jeke tulǵanyń bet álpetin tanı alatyn biregeı jasandy ıntellekt bolyp tabylady.

«Bizdiń qosymshamyz jastar arasynda áleýmettik kásipkerlikti damytýdyń mańyzdylyǵyn kórsetetin minsiz qural. Biz árbir adam osy tehnologııaǵa qol jetkizýine jáne óziniń emotsıonaldy daǵdylaryn damytýǵa múmkindik alýyna laıyq dep sanaımyz», - deıdi 12-shi synyp oqýshysy Álıhan Syrǵalıev.

Atap óteıik, oqýshylar óz ázirlemeleriniń arqasynda alǵashqy tabystaryn da taýyp úlgerdi. Búginde qosymshany birqatar almatylyq ońaltý ortalyqtary belsendi paıdalanýda. Endi oqýshylar emdeý ortalyqtary úshin dıagnostıkalyq múmkindikterdi engizýdi jáne ony basqa da oqý oryndarynda keńinen qoldanýdy usynýdy jáne jobany odan ári damytýdy josparlap otyr.