Erekshe qubylys: Almaty ústinen osy jyldyń eń jaryq kometasy ushyp ótti
Ol vıdeony Instagram paraqshasynda jarııalady.
Fotograf Dmıtrıı̆ Dotsenkonyń aıtýynsha, 13 qazannyń keshinde aýa raıy qolaıly bolyp, kometany túsirip alýǵa múmkindik týǵan.
«Bul kometa 2023 jyldyń qańtar aıynda Qytaıdyń Tszytszınshan observatorııasynda ashylǵan edi. Bir jarym jyldan keıin ol Jerge jaqyndap, túngi aspanda kórindi.Kometalardy kórý óte qyzyqty – elestetip kórińizshi, úlken muz blogy ǵaryshta sekýndyna 80 km jyldamdyqpen júredi», – dep jazdy fotograf.
Osyǵan deıin Tszıtszınshan-ATLAS kometasy Jerge jaqyndap qalǵany týraly jazǵan edik.
Máskeý planetarııiniń baspasóz qyzmetiniń málimetinshe, soltústik jarty sharda kometany kórý úshin eń jaqsy jaǵdaı kezeńi 12 qazanda bastaldy. Bul kezeń eki-úsh aptaǵa sozylady.
Soltústik jarty shar elderinde quıryqty juldyz kún batqannan keıin shamamen bir saǵat (jergilikti ýaqyt boıynsha 18:30-dan bastap) kókjıektiń batysynda keshki aspannan kórinedi.
Qazir astronomdar onyń jaryqtyǵyn shamamen -2 ball deńgeıinde boljap otyr, sondyqtan aspan qonaǵyn navıgatsııalyq ymyrttyń jarqyraǵan jaryǵynda da kórýge bolady.