Erekshe qajettilikteri bar daryndy balalardy qoldaýǵa arnalǵan jańa joba bastaldy
Bul shara Qazaqstannyń barlyq óńirlerinen erekshe bilim berý qajettilikteri bar daryndy balalarǵa qoldaý kórsetýdi, shyǵarmashylyq baǵytta damytýdy maqsat etedi. Joba balalar jyly aıasynda júzege asyp otyr.
Gala-kontsertke qatysqan balalardy Mádenıet jáne sport mınıstri Dáýren Abaev quttyqtap, ınklıýzıvti bilim berý men qoǵamdy damytýda mundaı jobanyń mańyzy zor ekenin atap ótti. Elimizdegi erekshe balalardyń ónerin ushtaýǵa baǵyttalǵan festıval respýblıkamyzdyń ár aımaǵyndaǵy daryndy jastardyń basyn qosady.
«Óner – adamnyń janyn ǵana emdemeıdi, onyń tánine de tirek bolady. Balalardyń talantyn ashýda mundaı alańdar qashanda qajet. Sondyqtan osy jobana júzege asyrýǵa atsalysqan azamattardyń barlyǵyna alǵys aıtamyn. Sizder balalardy baqytty, al qoǵamdy meıirimdi etýge úles qosyp otyrsyzdar», - dedi Dáýren Abaev.
Gala-kontsertte Roza Rymbaeva, Aıjan Nurmaǵambetova, Qurmash Mahan, Saltanat Meńdiǵalıeva, Álibek Álmadıev, Rýhııa Baıdýkenova, Dıdar Abdýhalyq, Gúldana Akımova (fleıta) syndy tanymal ártister, «Astana sazy» memlekettik folklorlyq ansambli, «Melomen» toby, Turan folklorlyq-etnografııalyq ansambli, Forte Trio jáne Saz&Soul shyǵarmashylyq ujymdary balalarmen birge óner kórsetti. Muny festıvaldiń erekshelikteriniń biri retinde atap ótsek bolady.