Erekshe qajettiligi bar jandarǵa ınfraqurylym qoljetimdiligin arttyrý kerek – Toqaev

ASTANA. QazAqparat – Memleket basshysy Qasym-Jomart Toqaev elorda qoljetimdi qala bolýy kerektigin aıtty, dep habarlaıdy QazAqparat tilshisi.

«Bilim berý, densaýlyq saqtaý nysandary, mádenı-demalys mekemeleri, saıabaqtar men qoǵamdyq oryndar qalanyń barlyq turǵynyna birdeı qoljetimdi bolýǵa tıis. Ásirese, erekshe qajettiligi bar azamattarǵa arnalǵan qala ınfraqurylymynyń qoljetimdiligin arttyrý kerek. Bul baǵyttaǵy jumystardy áli de jetildire túsý qajet. Ony moıyndaýymyz kerek»,- dedi Qasym-Jomart Toqaev elordada ótip jatqan Astananyń baýyrlas qalalar forýmynda.

Onyń aıtýynsha, elorda tek qala turǵyndaryna ǵana emes, barsha azamatqa mol múmkindik beredi.

«Mysaly, Astanada álemdik deńgeıdegi klınıkalary bar medıtsınalyq klaster qalyptasty. Munda kúrdeli operatsııalar jasalady, Qazaqstannyń ár aımaǵynan kelgen naýqastarǵa joǵary deńgeıde medıtsınalyq qyzmet kórsetiledi. Biz qala aýdandaryn damytý isindegi teńsizdikti josparly túrde joıýymyz kerek» - deıdi ol.