Erekshe qajettiligi bar adamdar men olardyń kútýshilerin qoldaý sharalary kúsheıedi
«Áleýmettik turǵydan osal toptaǵy azamattardy qoldaý – basty mindettiń biri. Qıyndyqqa tap bolǵan jandar esh kómeksiz qalmaýy kerek. Memlekettiń ádildigi men qoǵamnyń janashyrlyǵy osyndaıda kórinedi. Ásirese, ana men balany qorǵaýǵa aıryqsha kóńil bólinýge tıis. Meniń tapsyrmammen bıyl bala kútimine járdemaqy berý merzimi 1 jyldan 1,5 jylǵa uzartyldy. Turmysy tómen otbasyndaǵy 1 jastan 6 jasqa deıingi balalarǵa beriletin áleýmettik kómek qaıta qaraldy. Endi 100 myńnan astam bala bul kómekti aqshalaı alatyn bolady», - dedi Qasym-Jomart Toqaev VIII saılanǵan QR Parlamentiniń birinshi sessııasynda.
Memleket basshysy kópbalaly otbasylarǵa da aıtarlyqtaı qoldaý kórsetilip jatqanyn eske saldy.
«Jarty mıllıonnan astam otbasyna arnaıy járdemaqy tólenedi. Men byltyr «Ulttyq qor – balalarǵa» bastamasyn kóterdim. Qazir osy bastamany júzege asyrýǵa daıyndyq júrgizilip jatyr. Memleket muqtaj jandarǵa ataýly áleýmettik kómek kórsetýdi jalǵastyra beredi.
Osy oraıda, erekshe qajettiligi bar azamattarǵa arnaıy toqtalǵym keledi. Elimizde osy sanatqa kiretin 700 myńnan astam adam bar. Azyq-túlik pen dári-dármek baǵasynyń qymbattaýy olarǵa ońaı tıip otyrǵan joq. Biz erekshe qajettiligi bar adamdardy jáne olardyń kútýshilerin qoldaý sharalaryn kúsheıtýimiz qajet», - dedi Prezıdent.