Erekshe balalar úshin medıtsınalyq týrızm: Alakólde ortalyq ashylmaq

SEMEI. QazAqparat – Abaı oblysy Úrjar aýdanyndaǵy Alakól jaǵalaýynda erekshe qajettiligi bar balalarǵa arnalǵan ortalyq ashylady, dep habarlaıdy QazAqparat tilshisi.

Búgin Abaı oblysynyń ákimdigine Úrjar aýdany Alakól jaǵalaýynda ornalasqan «Abaıbek» demalys bazasynyń ıesi júgindi. Óz sózinde ol qazirgi demalys bazasynyń aýmaǵyna erekshe qajettiligi bar balalarǵa qyzmet kórsetetin ortalyq salý týraly nıetin bildirdi.

Investorǵa qurylys jumystaryn júrgizý úshin qajetti normatıvter men erejeler, resimdeý tártibi men qujattar tizbesi túsindirildi.

«Kezdesý jemisti ótti. Oblystyq bilim basqarmasynyń qyzmetkerleri osyndaı obektilerge qoıylatyn talaptar týraly jiti túsindirip berdi. Ótinish berýshi alynǵan aqparatty nazarǵa alyp, osy málimetterge sáıkes nysandy iske qosý jumystarymen aınalysatyn bolady», - deıdi Abaı oblysy Aýyl sharýashylyǵy jáne jer qatynastary basqarmasy basshysynyń mindetin ýaqytsha atqarýshy Anzor Abaev.

Foto: semeynews.kz