Erdoǵan Túriktiń tuńǵysh ǵaryshkerine sát sapar tiledi

<p>Rejep Taııp Erdoǵan Halyqaralyq ǵarysh stansasyna ushyrylatyn tuńǵysh túrik ǵaryshkeri Alper Gezeravjymen sóılesti, dep habarlaıdy <a href="https://www.trt.net.tr/kazakh/turkiia/2024/01/17/turiktin-tu-n-g-ysh-g-aryshkieri-bughin-u-shady-2089578" target="_blank" rel="noopener">Túrkııa Radıo Televızııa portaly</a>.</p>

Atalǵan BAQ-tyń málimetinshe, mınıstrler kabıneti jınalysy kezinde ótken kezdesýde Prezıdent Erdoǵannyń: «Ǵarysh mindetin atqaratyn tuńǵysh azamatymyz sen bolasyń. Ultymyzdyń maqtanyshy bolasyń. Daıynsyń ba?» - degen suraǵyna Gezeravjy daıyn ekenin aıtty.

Foto: trt.net.tr

 

Túrkııa prezıdenti Erdoǵan bul ǵarysh saparynyń mańyzy zor ekenin aıtyp, ǵaryshkerge sáttilik tiledi. Ol osy mindet ári ǵylym mıssııasy, ári balalarǵa, jastarǵa shabyt bolatyndaı qundy, jańa bastaý bolatynyn aıtqan.

«Osy mıssııa jalǵasyn tabady. Maqsatty arttyra beremiz. Saǵan jáne komandalas joldastaryńa tabys tileımiz. Aman-esen mindetti atqaryp kelýińe tilektespin. Alla Taǵala jar bolsyn. Jolyń ashyq bolsyn», - dedi Rejep Taııp Erdoǵan.

Aıta keteıik, quramynda Alper Gezeravjy bar komandany tasymaldaıtyn zymyran 19 qańtar kúni Túrkııa ýaqytymen saǵat 00.49-da ǵaryshqa ushyrylady.