Erdoǵan oppozıtsııalyq partııa depýtatyn sotqa berdi

<p>ANKARA. KAZINFORM&nbsp;&mdash; Túrkııa prezıdenti Rejep Taıyp Erdoǵan oppozıtsııalyq depýtatqa 250 myń lıra (shamamen 7,3 myń dollar) moraldyq shyǵyndy óteý jóninde talap qoıdy. Bul týraly&nbsp;<a href="https://tass.ru/mezhdunarodnaya-panorama/21692549" target="_blank" rel="noopener">TASS</a> agenttigi jazdy.</p>

— Prezıdentimizge qarsy negizsiz jáne dóreki málimdemeleri úshin Izmırdegi Respýblıkalyq Halyq partııasynyń (RHP) depýtaty Týnjaı Ózkanǵa 250 myń túrik lırasy kóleminde moraldyq shyǵyndy óteý týraly talap qoıyldy. Sonymen qatar, Ankara bas prokýratýrasyna prezıdentke til tıgizgeni týraly aryz túsken, — dep jazdy Túrkııa basshysynyń advokaty Hýseın Aıdyn X (burynǵy Twitter) paraqshasynda.

Buǵan deıin Ózkan H jelisinde Erdoǵan men úkimet sheneýnikterin «saraıdaǵy eliktegishter», «sán-saltanatta otyrǵandar», «mıllıardtaǵan dollarmen oınaǵandar» dep ataǵan.

Ol prezıdenttiń Ystanbul meri Ekrem Imamoglý men keıbir RHP músheleriniń Parıjdegi Olımpıada oıyndarynyń ashylýyna barǵan saparyna baılanysty synǵa osylaı jaýap bergen.

Erdoǵan bul sapardyń «halyq aqshasyn bosqa shashý» ekenin aıtqan. Prezıdent Ózkannyń reaktsııasyn qatań aıyptap, ony orynsyz dep atady.

Ózkannyń bul sózi úkimet músheleriniń erekshe narazylyǵyn týdyrdy.

Mınıstrler kabınetiniń músheleri oppozıtsııalyq depýtatty aıyptap, synǵa aldy, al Túrkııa Ádilet mınıstrliginiń basshysy Iylmaz Týnch Ozkannyń málimdemesi boıynsha oǵan qarsy tergeý bastalǵanyn aıtty.