Erdoǵan apat aımaǵynyń turǵyndaryna saılaýǵa belsendi qatysqany úshin alǵys bildirdi

ASTANA.QazAqparat - Túrkııa prezıdenti Rejep Taıyp Erdoǵan aqpan aıynda jer silkinisi bolǵan aımaqtyń turǵyndaryna saılaýǵa belsendi qatysqany úshin alǵys aıtty, dep habarlaıdy QazAqparat Anadoly agenttigine silteme jasap.

Sársenbi kúni Twitter-de jarııalaǵan jazbasynda saıasatker saıası kózqarasyna qaramastan árbir saılaýshynyń pikirin qurmetteıtinin basa aıtty.

Memleket basshysy apat aımaǵyn qalpyna keltirý jumystary eldiń ońtústigi men ońtústik-shyǵysyndaǵy jaǵdaı tolyq qalpyna kelgenshe jalǵasatynyn aıtty.
«Búgingi tańda 6 aqpandaǵy jer silkinisinen zardap shekken provıntsııalarda 910 myńnan astam shatyr tigildi, 117 myń modýldik turǵyn úı qurylysy salyndy», - dedi Erdoǵan.
Túrkııa basshysy nebári 57 kúnde paıdalanýǵa berilgen ońtústiktegi Hataı provıntsııasyndaǵy Defne aýrýhanasyn mysalǵa keltirdi.
«Bir jyl ishinde 319 myń úı salynady, jalpy 650 myń turǵyn úı salý josparlanýda», - dedi Erdoǵan. Saıasatker apat aımaǵyndaǵy baspanasynan aırylǵan turǵyndarǵa bıylǵy qazan-qarasha aılarynda jańa páterlerdiń alǵashqy kiltteri beriletinin aıtty.