Erbolat Dosaev Turǵyn úı qurylys jınaq banki dırektorlar keńesiniń tóraǵasy bolyp saılandy
«2016 jyldyń 11-shi shildesinde «Qazaqstannyń Turǵyn úı qurylys jınaq banki» AQ («Báıterek» Holdınginiń enshiles uıymy) Dırektorlar Keńesiniń otyrysy bolyp ótti. Onyń barysynda Dırektorlar Keńesiniń Tóraǵasy bolyp «Báıterek» Ulttyq Basqarýshy holdıngi» AQ Basqarma Tóraǵasy Erbolat Dosaev saılandy», delingen habarlamada.
Dırektorlar Keńesi Turǵyn úı qurylys jınaq banki salymshylarynyń úı jaǵdaıyn jaqsartý múmkindigin ulǵaıtatyn, ári el aımaqtaryndaǵy turǵyn úı qurylysyn jandandyrýǵa baǵyttalǵan «Óz úıim» baǵdarlamasynyń negizgi sharttaryn qarastyrdy.
Sonymen qatar, otyrysta «Qazaqstannyń Turǵyn úı qurylys jınaq banki» AQ qyzmetine qatysty birqatar máseleler talqylandy. Atap aıtqanda, 2015 jyldyń qortyndy Esebi, Bankpen erekshe qarym-qatynastaǵy tulǵalarmen aradaǵy kelisimder men basqarý esepteri aldyn-ala bekitildi.
Dırektorlar Keńesi otyrysynyń qortyndysy boıynsha Bank Basqarmasyna «Óz úıim» baǵdarlamasyn júzege asyrý barysynda týyndaýy múmkin táýekelderdiń aldyn alyp, Bank salymshylary bolyp tabylatyn baǵdarlama qatysýshylaryn qandaı da bir qaýyp-qaterlerden saqtaý boıynsha mindetter júkteldi.