Erbolat Dosaev teńge baǵamynyń qubylmaly bolý sebebin aıtty

NUR-SULTAN. QazAqparat – Búgin Úkimet otyrysynda bıylǵy jeti aıdaǵy áleýmettik-ekonomıkalyq damýdy talqylaý kezinde Ulttyq bank tóraǵasy Erbolat Dosaev teńge baǵymyna qatysty túsinik berdi, dep habarlaıdy QazAqparat tilshisi.

«Bıylǵy jylǵy shildede teńge baǵamy munaı baǵasynyń ósýi aıasynda bir AQSh dollary úshin 424,45 teńgege deıin 0,7%-ǵa nyǵaıdy. Shilde aıyndaǵy qubylmalylyqqa qaramastan, munaı baǵasyn belgileý 76,33 AQSh dollaryna deıin 1,6 paıyzǵa ósti. OPEK+ tamyzdan bastap munaı óndirýdi aı saıyn ulǵaıtý týraly ýaǵdalastyqqa kelisýi, sondaı-aq AQSh-taǵy qorlardyń tómendeýi jáne otynǵa suranystyń ósýi týraly derekter munaı baǵasyn qalyptastyrýǵa yqpal etken negizgi faktorlarǵa jatady», - dedi E. Dosaev.

Onyń aıtýynsha, transfertter bólý úshin Ulttyq qor aktıvterin konvertatsııalaý, kvazımemlekettik sektordyń 480 mln AQSh dollary somasyna satylymdary jáne eksporttaýshylardyń salyq tólemderi kezeńinde bırjalyq naryqta valıýtalyq túsimdi konvertatsııalaýy teńgege qosymsha qoldaý kórsetti.

«Іskerlik belsendiliktiń qalpyna kelýi aıasynda tutyný taýarlary ımportynyń joǵary ósý qarqyny shetel valıýtasyna shamadan tys suranys týdyrýdy jáne teńgeniń nyǵaıýyna shekteýshi áser etýdi jalǵastyrýda. Bıylǵy jylǵy tamyzdyń basynan bastap koronavırýstyń delta-shtamymen aýrýdyń ósýi aıasynda jahandyq ekonomıkanyń perspektıvalary boıynsha belgisizdikke baılanysty munaı naryǵynda qysym kúsheıe tústi», - dedi UB basshysy.

Onyń sózine qaraǵanda, munaıdyń qubylmalylyǵy jáne táýekel-sentımenttiń ózgerýi teńgeniń aıyrbastaý baǵamyna qysym kórsetýin jalǵastyrýda.