Almaty ákimi Saıaly shaǵyn aýdanyndaǵy káriz taratý jelisiniń qurylys barysyn tekserdi

<p>ALMATY. KAZINFORM &ndash; Almaty ákimi Erbolat Dosaev jumys sapary jáne halyqpen esep berý kezdesýi kezinde Jetisý aýdanynda jylý magıstralin jańǵyrtýdyń qalaı júrgizilip jatqanyn tekserip, Alataý aýdanynyń Saıaly shaǵyn aýdanynda káriz taratý jelisiniń qurylys barysymen tanysty.&nbsp;</p>

Dıametri 250-den 600 mm-ge deıingi jóndeýge bolatyn jylý magıstrali 1981 jyldan bastap paıdalanýǵa berildi jáne óziniń 25 jyldyq normatıvtik merzimin ótedi. Keıingi bes jylda qubyrda 20-ǵa jýyq zaqym tirkeldi. 2022 jyldan bastap Almaty ákiminiń tapsyrmasy aıasynda 5 865 metr jylý magıstralin aýystyrý boıynsha úsh jyldyq joba bastaldy. Qazir Aınabulaq-2 shaǵyn aýdanynan Pavlodar kóshesine deıingi aýmaqta 2,1 shaqyrym qubyrdy qaıta jańartý jumystary júrgizilip jatyr, bul jumys bıyl kúzde aıaqtalady dep josparlanǵan.

Qubyr 344 kóppáterli úıdiń, 11 mekteptiń, 3 densaýlyq saqtaý nysanynyń jáne 483 ózge de nysan turǵyndaryn jylýmen jáne ystyq sýmen qamtamasyz etedi. Jańǵyrtý osy ýchaskedegi jylý shyǵynyn, tozýdy jáne apatty azaıtýǵa múmkindik beredi.

Jumys júrgizý kezinde turǵyndar úshin ystyq sýmen jabdyqtaýdyń ýaqytsha shemasy kózdelgen.

Foto: Almaty ákimdigi

Alataý aýdanynda Erbolat Dosaev Saıaly shaǵyn aýdanyndaǵy káriz taratý jelileri boıynsha qurylys jumystaryn barysyn tekserdi. 15 jyl buryn qurylǵan shaǵyn aýdan ortalyq sýmen jabdyqtaý jelisine qosylǵan, alaıda Alataý aýdanynyń ákimdigi memlekettik basqarý júıesin ortalyqsyzdandyrýdyń arqasynda bıyl ǵana jeke sektor úshin káriz jelilerin sala aldy.

Bıyl maýsym aıynda 1,4 km jeliniń qurylysy bastaldy, osy jyldyń tamyzynda aıaqtalady dep josparlanyp otyr. Sonyń nátıjesinde ortalyq káriz jelisimen 600-ge jýyq adam qamtamasyz etiledi.

Foto: Almaty ákimdigi

Almatynyń Alataý aýdanynda qazir Alǵabas, Shapaǵat, Bolashaq, Rahat-Mádenıet, Ójet, Saıaly, Boraldaı jáne Aqbulaq sııaqty 8 shaǵyn aýdandarda ınjenerlik jelilerdi salý jumystary júrgizilip jatyr. Jelilerdiń jalpy uzyndyǵy – 315,88 km.

«Jer telimi qalaǵa qosylmaı turyp alynǵan. 2014 jyldan bastap qurylys jumystary qarqyndy júrdi jatty, árıne, birinshi kezekte jol jáne ınjenerlik ınfraqurylymdy qarastyrý qajet boldy. Degenmen, munda adamdar ómir súrip jatqandyqtan, jaıly jaǵdaı jasaý kerek. 2023 jyldan bastap Alataý aýdanynda sýmen jabdyqtaý jáne sý burý, elektr qýatyn ótkizý boıynsha aýqymdy jobalar júrgizilýde, gaz júrgizý máselesi sheshildi. Osy jobalardyń arqasynda Alataý aýdanynyń jeke sektorynyń turǵyndary alǵash ret qalalyq kommýnaldyq qyzmetti paıdalana alady», - dedi Erbolat Dosaev.

Qala basshysy qurylys-montaj jumystaryn sapaly júrgizýdi jáne ınfraqurylymdyq nysandardy jańǵyrtýdy merziminde aıaqtaýdy tapsyrdy.