Erbolat Dosaev Prezıdentke 9 aıda atqarǵan jumysyn baıandady

<p>Prezıdent Qasym-Jomart Toqaev Almaty qalasynyń ákimi Erbolat Dosaevty qabyldady.&nbsp;<a href="https://kaz.inform.kz/" target="_blank" rel="noopener">Kazinform</a>&nbsp;bul týraly Aqordaǵa silteme jasap habarlaıdy.</p>

Memleket basshysyna Almaty qalasynyń bıylǵy 9 aıdaǵy áleýmettik-ekonomıkalyq damýynyń aldyn ala qorytyndysy baıandaldy.

Erbolat Dosaevtyń málimetine sáıkes:
- qala ekonomıkasy qarqyndy ósip, qysqa merzimdi ekonomıkalyq ındıkator jyl basynan 13,5 paıyzǵa kóterilgen;
- óńdeý ónerkásibiniń damý qarqyny (+21%) boıynsha Almaty elimizde turaqty túrde birinshi orynda keledi;
- megapolıs ekonomıkasyna 1 trıllıon teńgeden astam ınvestıtsııa tartyldy;
- jeke ınvestıtsııalardyń ósimi 7,3 paıyzdy qurady;
- belsendi jumys istep turǵan shaǵyn jáne orta bıznes sýbektileriniń sany 341 myńǵa deıin jetip, 25,8 paıyzǵa artty;
- respýblıkalyq bıýdjettiń túsimi 38,4 paıyzǵa ósip, 3,91 trıllıon teńgege deıin jetti;
- jergilikti bıýdjettiń túsimine qatysty jospar 28,7 paıyzǵa (243 mlrd teńge) asyra oryndaldy;
- jyl basynan 58,7 myń jumys orny ashyldy, onyń 77 paıyzy – turaqty jumys;
- 2023 jyldyń qorytyndysy boıynsha ekonomıka ósiminiń qarqyny 6,5 paıyzǵa deıin jetedi degen boljam bar;

Sondaı-aq Qasym-Jomart Toqaevqa bıylǵy 18 tamyzda Almaty qalasyn damytý máseleleri jónindegi keńeste berilgen tapsyrmalarynyń oryndalý barysy týraly málim etildi: 

-seısmıkalyq qaýipsizdikti qamtamasyz etý úshin jer silkinisi týraly aldyn ala habarlaıtyn 28 seısmostantsııa ornatý jumystary tolyǵymen aıaqtaldy;

- tótenshe jaǵdaı kezinde adamdar jınalatyn 545 qaýipsiz oryn anyqtaldy.

Budan bólek:
- medıtsınalyq qyzmet kórsetý sapasyn arttyrý úshin Alǵashqy medıtsınalyq-sanıtarlyq kómektiń biryńǵaı standarty ázirlendi;
- jyl basynan beri ólim-jitim kórsetkishi 11 paıyzǵa, ana ólimi 32,4 paıyzǵa, bala ólimi 35,5 paıyzǵa tómendedi;
- bilim berý salasynda 4,9 myń oqýshyǵa arnalǵan 10 mektep jáne 4 qosymsha oqý korpýsy salyndy;
- jyl sońyna deıin qaladaǵy jasyl-jelek kólemi jan basyna shaqqanda 12,3 sharshy metrge deıin ulǵaıady;
- jyl basynan jasyl-jelekti avtomattandyrylǵan sýarý júıesimen qamtý kórsetkishi 3,4 ese ósken. Bıylǵy 9 aıda 405 gektar aýmaqta jumys júrgizildi. Jyl sońyna deıin bul kórsetkish 587 gektarǵa deıin jetkiziledi;

Sonymen qatar Prezıdentke Almatydaǵy ortalyqsyzdandyrý isiniń aralyq nátıjeleri tanystyryldy.

- Memleket basshysy qoldaǵan bastama aıasynda aýdan ákimdikterine olardyń bıýdjetterin 3,1 esege, ıaǵnı 184,3 mıllıard teńgege deıin ulǵaıta otyryp, 15 fýnktsııa berildi;
- búginde 196 myń sharshy metr jolǵa aǵymdaǵy jóndeý jumystary júrgizildi. 100 shaqyrymnan astam sýmen jabdyqtaý jáne sý tartý jelileri salyndy.

Kezdesý sońynda Qasym-Jomart Toqaev turǵyndardy sapaly sýmen, sý burý jelilerimen qamtamasyz etý, ınvestıtsııa tartý jónindegi sharalardy kúsheıtý, sondaı-aq Almaty aglomeratsııasymen kólik baılanysyn jaqsartý jónindegi jobalardy odan ári iske asyrýǵa erekshe nazar aýdarýdy tapsyrdy.