Erbolat Dosaev pen DDU bas dırektory yntymaqtastyqty kúsheıtýge ýaǵdalasty
Dúnıejúzilik densaýlyq saqtaý uıymynyń bas dırektory Tedros Gebreıesýspen densaýlyq saqtaý salasyndaǵy yntymaqtastyqty nyǵaıtý, onyń ishinde COVID-19-ǵa qarsy is-qımyl, mamandardy oqytý jáne jańa tehnologııalardy tartý máseleleri talqylandy.
Talqylaý barysynda Almaty qalasyndaǵy epıdemıologııalyq jaǵdaıdyń turaqty bolyp qalatyny – qalanyń «jasyl aımaqta» turǵany, koronavırýstyq ınfektsııamen kúresý úshin qajetti resýrstarmen qamtamasyz etilgeni jáne DDU usynymdaryn ustanatyny atap ótildi. Qala basshysy Erbolat Dosaev COVID-19 qalanyń densaýlyq saqtaý júıesindegi álsiz jerlerdi ashqanyn atap ótti.
«Pandemııa birinshi kezekte neni jaqsartý kerektigin kórsetti jáne biz qajetti jumystardy júrgizýge nıettimiz, onyń ishinde alǵashqy medıtsınalyq-sanıtarlyq kómektiń (MSAK) yqpaly turǵysynan kórsetti. Biz qaladaǵy jaǵdaıdy jaqsartýǵa nıettimiz. Ol úshin medıtsınalyq mekemelerge jóndeý jáne jańǵyrtý júrgizýdi, kadrlyq áleýetti kúsheıtýdi jáne DDU-nyń ozyq praktıkalary men usynymdaryn iske asyrý alańyna aınaldyrýdy josparlaýdamyz. Kelesi 2-3 jyl qalalyq densaýlyq saqtaý júıesin reformalaý úshin óte mańyzdy», - dedi Almaty ákimi.
Óz kezeginde Dúnıejúzilik densaýlyq saqtaý uıymynyń basshysy Tedros Gebreıesýs qala basshysyn qoldady, alǵashqy medıtsınalyq-sanıtarlyq kómektiń mańyzdylyǵyn atap ótti jáne Qazaqstannyń osy saladaǵy tájirıbesin joǵary baǵalady (Qazaqstan MSAK-tyń otany bolyp sanalady, MSAK jónindegi Almaty deklaratsııasy 1978 jylǵy 12 qyrkúıekte qabyldandy, 2015 jyly Almatyda MSAK jónindegi DDU-nyń ofısi ashyldy).
«DDU álemge kóptegen múmkindikter beretin alǵashqy medıtsınalyq-sanıtarlyq kómek ortalyǵyna shoǵyrlanǵan. Kelesi jyly Nıý-Iorkte medıtsınalyq saqtandyrýmen jalpy qamtý boıynsha joǵary deńgeıdegi kezdesý ótedi. Biz Qazaqstannyń ózimizben birge jumys istegenin jáne alǵashqy medıtsınalyq-sanıtarlyq kómek aspektileri boıynsha jetekshi ról atqarǵanyn qalaımyz», – dedi Tedros Gebreıesýs.
Taraptar sondaı-aq Almaty aýmaǵynda jumys isteıtin DDU-nyń MSAK jónindegi geografııalyq jaǵynan qashyq ornalasqan óńirlik ofısi aıasynda yntymaqtastyqty kúsheıtý týraly ýaǵdalasty.
Qala basshysy Almatynyń densaýlyq saqtaý salasyn damytý úshin ozyq álemdik tájirıbe men úzdik praktıkany paıdalanýǵa asa múddeli ekenin atap ótti.
Foto: facebook.com/almaty.gov.kz