Erbolat Dosaev Naýryzbaı aýdanynda apatty jaǵdaıdaǵy nysandardy aralady
Búginde Naýryzbaı aýdanynyń «Aqjar», «Shuǵyla», «Tastybulaq», «Taýjoly», «Jaılaý», Qarǵaly, «Quramys», «Taýsamaly» yqshamaýdandarynda 149,6 km sý qubyry jáne 74,8 km káriz jelilerin tartý jumysy júrip jatyr.
Jumystar tolyq aıaqtalǵan soń aýdannyń 150 myń turǵyny aýyz sýmen qamtamasyz etiledi.
Sondaı-aq, qala ákimi «Qarǵaly» súzgi stantsııasy boldy. Onyń qurylysy shilde aıynda aıaqtalady dep josparlanýda.
Jańa stantsııa aýdannyń 40 myńnan astam turǵynyn sýmen (Qaraǵaıly, Qarǵaly, Tastybulaq, Quramys yqsham aýdandary) qamtamasyz etedi.
Naýryzbaı aýdanynda turǵyndardyń jaılylyǵy úshin «Halyqtyń bıýdjetke qatysýy» baǵdarlamasy aıasynda balalar, oıyn jáne sport alańdary salyndy.
Erbolat Dosaev baǵdarlamany qarjylandyrýdy 500 mln teńgege (1,8 mlrd teńgege deıin) ulǵaıtýdy tapsyrdy.
Sapar barysynda Qaraǵaıly yqsham aýdanyndaǵy dárigerlik ambýlatorııanyń apatty ǵımaraty boıynsha sheshim qabyldandy. Nysan seısmıkalyq qaýipti jáne 2018 jyly paıdalanýǵa jaramsyz dep tanylǵan. Almaty ákiminiń usynysy boıynsha ambýlatorııa ornyna «Áleýmettik qyzmetter úıi» jobasy úlgisinde kópbalaly analar úshin áleýmettik nysan salynatyn bolady.
Qala basshysy Quramys yqsham aýdanyndaǵy memlekettik menshiktegi jerlerde (6 ga) emhana men balabaqsha salý úshin jobalyq-smetalyq qujattamany ázirleýdi aıaqtaýdy tapsyrdy.
Kóshpeli jıyn barysynda qala basshysy ınjenerlik jelilerdiń qurylysyna, jol jabynyn qalpyna keltirýge erekshe nazar aýdardy.
Qalalyq mobıldilik basqarmasyna Tastybulaq yqshamaýdanynda bıyl uzyndyǵy 4,5 km joldy asfalttaý tapsyryldy.
Qaladaǵy baý-baqsha qoǵamdastyqtarynyń máselesine baılanysty aýdan ákimdikteri Qalalyq josparlaý jáne ýrbanıstıka basqarmasymen birlesip olardyń mártebesin naýryz aıynyń sońyna deıin anyqtaıdy.
Sondaı-aq, qala basshysy Tastybulaq jáne Aqjar yqsham aýdandaryndaǵy sý qubyry men káriz jelilerine qosý úshin jańa jobaǵa baý-baqsha qoǵamdastyqtarynyń eskerilmegen kóshelerin engizý qajettigin atap ótti.
Qala ákimi naýryz aıynda balalardy qabyldaıtyn Aqjar yqsham aýdanyndaǵy 120 oryndy jańa balabaqshany aralap kórdi.
Sonymen qatar, kóshpeli keńes barysynda (aýdannyń ákimshilik ortalyǵy) mektep pen basseıni bar 15 ga dene shynyqtyrý-saýyqtyrý keshenin salý máselesin sheshýdi tapsyrdy.
Sonymen birge megapolıs basshysy Tóle bı kóshesi men Abaı dańǵylyn uzartýdyń jaı-kúıin tekserdi.
Erbolat Dosaev jer ýchaskelerin satyp alý protsesin jedeldetý jáne osy jobalardy 2022-2023 jyldary kezeń-kezeńmen iske asyrýdy bastaý qajettigin atap ótti.
Sapar barysynda Naýryzbaı aýdanynyń ákimshilik ortalyǵyna deıin metropolıtendi jobalaý máselesi qaraldy.
Aralaý sońynda qala ákimi aǵymdaǵy jyldyń qyrkúıek aıynda paıdalanýǵa berý josparlanǵan Abaı yqsham aýdanyndaǵy («Alma Sıtı-5» TK, «Qazaq Stroy» merdigerlik uıymy) 1200 oryndy mektep qurylysynyń barysymen tanysty.
Sondaı-aq Shuǵyla yqsham aýdanynda (Alataý dańǵyly jáne «Alem Sıtı» TK) qosymsha eki mektepti iske qosý josparlanýda.
Jalpy aýdanda 2022 jyly barlyǵy 8390 oryndy 7 mektep jáne 1320 oryndy 5 balabaqsha salý kózdelgen.
Aralaý qorytyndysy boıynsha qala basshysy Naýryzbaı aýdany ákiminiń jumysyn maquldady jáne «Shetsiz qala» baǵdarlamasy aıasynda aýdandy odan ári damytýdy jalǵastyrýdy tapsyrdy.