Erbolat Dosaev Ekibastuzdaǵy jaǵdaı Almatyda qaıtalanbas úshin ne istelip jatqanyn aıtty
Jıynda Túrksib aýdany turǵyndarynyń biri shahar basshysy Erbolat Dosaevqa jylý jáne elektr jelileriniń daıyndyǵy týraly suraq qoıdy.
«Almatyda Ekibastuzdaǵydaı jylý júıelerin óshirý qaýpi bar ma?» dep surady aýdan turǵyny.
Almaty ákimi Ekibastuzdaǵy jaǵdaıdy boldyrmaý úshin qolynan kelgenin jasap jatqanyn aıtty.
«Biz qys mezgiline qaǵaz júzinde ǵana emes, óte jaqsy daıyndaldyq. Jaqynda Memleket basshysy men premer-mınıstrden energetıka júıesine revızııa júrgizemiz degen tapsyrma keldi. Jumys 1 jeltoqsanda bastalady»,- dedi Erbolat Dosaev
Sonymen qatar, ol quzyrly organdar eki apta ishinde 1-15 jeltoqsan aralyǵynda jylý jelileri men qazandyqtardy qosymsha tekserýden ótkizetinin atap ótti.
«Ázirge apatqa ákeletin alǵysharttar joq dep úmittenemin. Jaqynda Gogol kóshesindegi tótenshe jaǵdaı boldy, jeliler tozǵan, biraq Almaty mundaı jaǵdaıǵa daıyn»,- dedi ol.