Erbolat Dosaev bıyl ınflıatsııa tómen bolatynyn aıtty

NUR-SULTAN. QazAqparat – Úkimettiń keńeıtilgen otyrysynda QR Ulttyq bank tóraǵasy Erbolat Dosaev bıyl ınflıatsııa tómen bolatynyn aıtty, dep habarlaıdy QazAqparat tilshisi.

«2020 jylǵa biz ınflıatsııany 4-6 paıyzdyq nysanaly dálizdiń tómengi shegine jaqyn deńgeıge deıin tómendetý mindetin alǵa qoıdyq. Úkimet pen jergilikti atqarýshy organdar tarapynan jumsalatyn kúsh-jiger, birinshi kezekte, azyq-túlik naryqtaryndaǵy básekelestikti arttyrýǵa jáne retteletin qyzmetterge tarıfterdi tıimdi baqylaýǵa baǵyttalýy tıis», - dedi E. Dosaev.

Onyń sózine qaraǵanda, bul bazalyq stavkanyń beıtaraptylyǵyn naqty mánde 3-3,5% deńgeıinde qamtamasyz etý maqsatynda aqsha-kredıt talaptaryn jeńildetýge alǵysharttar jasaýy tıis.

Budan buryn habarlanǵandaı, búgin Úkimettiń keńeıtilgen otyrysynda QR Ulttyq bank tóraǵasy Erbolat Dosaev ınflıatsııa men valıýta baǵamyna qatysty byltyrǵy jylǵy qorytyndyny jarııalady,