Erbolat Dosaev: Bankterge qoıylatyn talaptar joǵarylady
«Jalpy alǵanda, ekonomıkaǵa berilgen kredıtter 2019 jyldyń sońyna qaraı 13,9 trln teńge boldy. Olardyń baǵa jaǵynan qoljetimdiligi joǵarylap jatyr – bıznes úshin teńgemen beriletin kredıtter boıynsha stavka (2018 jylǵy 12,4%-pen salystyrǵanda) 2019 jyly ortasha alǵanda 12 paıyzǵa deıin tómendedi. Ótken jyly kredıttik portfeldiń negizgi ósýi 26,9 paıyzǵa ulǵaıǵan tutynýshylyq kredıtteýdiń keńeıýine baılanysty bolǵanyn moıyndaý kerek. Osyndaı ósýdiń júıelik táýekeldi iske asyrýǵa alyp kelýi múmkin ekenin túsine otyryp, 2019 jyly kepilsiz tutynýshylyq qaryzdarǵa qatysty retteý sharalar kesheni qabyldanǵan bolatyn», - dedi E. Dosaev.
Onyń sózine qaraǵanda, ekinshi deńgeıli bankterdiń kapıtalyna qoıylatyn talaptar joǵarylatyldy, qaryz boıynsha óteý merzimin ótkizip alý 90 kúnnen asqan kezde aıyppuldar men komıssııalar esepteýge tyıym salý engizildi.
«Eń tómengi kúnkóris deńgeıinen tómen kirisi bar azamattarǵa qaryzdar berýge tyıym salyndy. Barlyq osy sharalar kredıt naryǵynyń damýyn anaǵurlym teńgerimdi etýge múmkindik beredi», - dedi Ulttyq bank tóraǵasy.