Erbolat Dosaev Almaty qalasyn qalpyna keltirý jáne odan ári damytý týraly aıtty
«2021 jyldyń qorytyndysy boıynsha el ekonomıkasyndaǵy Almatynyń úlesi 18 paıyz. El tabysyndaǵy qalanyń úlesi (23,5%-ten) 25,6%-ke deıin ósti. Ótken jylǵy qala ekonomıkasynyń damý kórsetkishteri joǵary ósý dınamıkasyn kórsetti. Alǵash ret qala ekonomıkasyna salynǵan ınvestıtsııa kólemi 1,2 trln teńgege jýyqtady»,- dedi ákim.
Sondaı-aq ol halyqtyń naqty tabysynyń 5%-ǵa deıin ósýin, JÓÓ-niń 4,5%-dan kem emes artýyn qamtamasyz etý josparlanyp otyrǵanyn jetkizdi.
« Almaty ekonomıkasy qurylymynyń 80%-yn qyzmet kórsetý jáne saýda sektory quraıdy. Sondaı-aq ShOB jańa jumys oryndaryn ashýdyń jáne halyqtyń tabysyn arttyrýdyń negizgi kózi. Búgingi tańda 10 almatylyqtyń altaýy osy salada jumyspen qamtylǵan. Qoldanystaǵy memlekettik baǵdarlamalar aıasynda kásipkerlerdi qoldaý sharalarynan basqa, jergilikti bıýdjet esebinen qarjylandyrý kózdelgen. Sonyń nátıjesinde «Almaty Bıznes-2025» óńirlik baǵdarlamasyna salym somasyn qazirgi 12 mlrd teńgeden 20 mlrd teńgege deıin arttyrý josparda», – dedi Erbolat Dosaev.
Bıyl megapolıste keminde 50 myń jumys orny, onyń ishinde 31 myńnan astamy bıznes esebinen ashylady. Jańa ınvestıtsııalyq jobalardy júzege asyrýdyń jáne aǵymdaǵy bıznesti keńeıtýdiń negizgi máselesi – bilikti kadrlardyń tapshylyǵy.
Sondyqtan naryq suranysyn qanaǵattandyrý úshin kásiptik-tehnıkalyq bilim berý uıymdarynda memlekettik tapsyrys ulǵaıtylady.
«2021 jyly azyq-túlik baǵasyn turaqtandyrý úshin jergilikti bıýdjetten 11 mlrd teńge bólindi. Búginde qala bazarlaryndaǵy «aınalym shemasy» men «áleýmettik dúkender» aıasynda qarjylandyrýdy aıtarlyqtaı arttyrý qarastyrylýda. Sheshim aqpan aıynyń sońyna deıin qabyldanady. Jetkizý oryndaryna ónimdi tikeleı jetkizý boıynsha 204 kelisimshart, nan, kúnbaǵys maıy jáne qaraqumyq óndirýshilerimen belgilengen baǵa boıynsha dúkenderge jetkizý boıynsha 19 memorandým jasaldy», – dedi shahar basshysy.
Sonymen qatar, ol qaladaǵy 207 memlekettik mekteptiń barlyǵy qaýipsizdik talaptaryna sáıkes kelmeıtinin tilge tıek etti.
«Bilim berý uıymdarynda qaýipsizdikti qamtamasyz etý úshin biz osy naýryz aıynda 2 jyldyq baǵdarlamany qabyldaýǵa nıettimiz, ony iske asyrý nátıjesinde 2023 jyldyń 1 qyrkúıegine deıin qalanyń barlyq mektepterinde beınebaqylaý kameralaryn aýystyrý, týrnıketter men dabyl túımelerin ornatý máseleleri tolyq sheshiletin bolady»,- dedi ol.