Erbolat Dosaev: Almatyda 2025 jyldyń sońyna deıin barlyq eski qoqys konteınerleri aýystyrylady

<p>ALMATY. KAZINFORM &mdash; Almaty ákimdigi qatty turmystyq qaldyqtardy jınaý jáne shyǵarý úshin ınfraqurylymdy sapaly jańǵyrtý jumystaryn jalǵastyryp jatyr. 2024-2025 jyldary Almatyda QTQ jınaýǵa arnalǵan 2905 tereńdetilgen konteınerler ornatylady.</p>

Bul týraly Almaty ákimi Erbolat Dosaev Almaly aýdanynyń turǵyndarymen kezdesý barysynda aıtty.

«2012 jyldan beri ornatylǵan barlyq konteınerlerdi biz rekonstrýktsııalaımyz. Sonymen qatar, 516 jańa tereńdetilgen konteıner alańy salynady, olardyń jartysy osy jyldyń sońyna deıin paıda bolady. Ózderińiz bilesizder, agressıvti ortanyń áserinen qoqys jáshikteriniń metaly tez eskiredi. 2025 jyldyń sońyna deıin barlyq tozǵan konteınerlerdi túgel aýystyramyz», - dedi Erbolat Dosaev.

Foto: Almaty ákimdigi

Almatyda 2023 jyldyń sońynda tereńdetilgen qoqys konteınerlerin ornatý jumystary bastaldy. Olardyń artyqshylyǵy-germetıkaly jáne qańǵybas ıtter men qustar kire almaıdy. Sondaı-aq, tereńdetilgen konteınerler jaǵymsyz ıisti taratpaıdy ári estetıkaly.

«Halyqaralyq tájirıbege sáıkes, biz qapshyqty konteınerlerdi ornatýdy josparlap otyrmyz. Qyzmet kórsetý turǵysynan-qoqys konteınerlerin jýý, sanıtarlyq tazartýda shúberekten jasalǵan qapshyqty konteınerler áldeqaıda tıimdi. Sonymen qatar, bıyl biz 1800 eýrokonteınerdi aýystyramyz», - dedi Almaty ákimi.