Erbolat Dosaev álemdik ekonomıkaǵa áser etip otyrǵan faktorlardy atady
«Osy jyldyń aqpan aıynda ınflıatsııa 0,6 paıyz boldy. Jyldyq mánde 6 paıyzǵa deıin ósti. Negizgi úrdis azyq-túlik taýarlary baǵasynyń ósýinen 8,6 paıyzǵa deıin baıaýlaýy boldy. Inflıatsııanyń jyldamdaýy azyq-túlikke jatpaıtyn taýarlar men aqylyq qyzmetterdiń 5,4 paıyzǵa jáne tıisinshe 3,2 paıyzǵa deıin qymbattaýynyń nátıjesinde oryn aldy. Osy jylǵy aqpannyń basym bóliginde shetel valıýtasynyń ákelinýi, eksporttaýshylardyń valıýtalyq túsimdi satýy men túsimge kepildik berilgen transfertter úshin Ulttyq qordyń valıýtalyq aktıvterin konvertatsııalaý aıasynda nyǵaıa tústi», - dedi ol.
Ulttyq bank tóraǵasynyń aıtýynsha, osy jyldyń 24 aqpanynda koronavırýstyń taraýy álemdik ekonomıkaǵa áser etip, jaǵdaı kúrt ózgerdi.
«Osy jyldyń 6 naýryzynda OPEK+ qatysýshylary munaı óndirýdi qysqartý boıynsha mámileniniń talaptaryna kelise almady. Reseı óndirýdi tómendetý usynysyn qoldamady. Osyǵan baılanysty Saýd Arabııasy osy jylǵy 8 naýryzda álemniń barlyq óńirleri úshin óz munaıynyń baǵasyn tómendetý jáne munaı óndirýdi táýligine aǵymdaǵy 9,7 mln barrelden 12 mln barrelge deıin ulǵaıtýǵa daıyn ekendigi týraly sheshimin habarlady. Bul munaıdyń álemdik baǵalaryn aıtarlyqtaı tómendetýge alyp keldi. 9 naýryzda Brent markaly munaı álemdik naryqtarda bir barrel úshin 31-36,5 AQSh dollary sheńberinde saýdalandy, aldyńǵy kúnmen salystyrǵanda tómendeý 30 paıyzdan asty», - dedi UB tóraǵasy.
Onyń atap ótýinshe, 9 naýryzda ofshorlyq naryqtardaǵy rýbldiń álsireýi munaı baǵasynyń quldyraýy aıasynda eń joǵarǵy mánderde bir AQSh dollary úshin 75,4 rýblge deıin shamamen 10 paıyzdy qurady.
«9 naýryzda saýda-sattyq ashylǵan kezde S&P500 ındeksi 7 paıyzǵa tómendedi. Sodan keıin saýda-sattyq ýaqytsha toqtatyldy», - dedi Erbolat Dosaev.