Erbol Ospanov QR Densaýlyq saqtaý vıtse-mınıstri qyzmetine taǵaıyndaldy

<p>ACTANA. KAZINFORM - Qazaqstan Respýblıkasy Úkimetiniń qaýlysymen Erbol Dúısebaıuly Ospanov burynǵy qymetinen bosatylyp, densaýlyq saqtaý vıtse-mınıstri qyzmetine taǵaıyndaldy.</p>

Bul týraly QR Premer-Mınıstriniń baspasóz qyzmeti habarlaıdy.

Erbol Ospanov 1977 jyly Ońtústik Qazaqstan oblysynda dúnıege kelgen. 1998 jyly Ál-Farabı atyndaǵy Qazaq memlekettik ulttyq ýnıversıtetin, 2002 jyly Qazaq ulttyq agrarlyq ýnıversıtetin támamdaǵan.

Eńbek jolyn 1999 jyly «Qaztemirjolkólikjobalaý» AQ-da ınjener bolyp bastady.

«Qazaqstan temir jol kóliginiń ǵylymı-zertteý ınstıtýty» JShS joba jetekshisi, «Qarjy júıesin aqparattandyrý ortalyǵy» AQ-da jetekshi ınjener-jobalaýshysy bolyp qyzmet atqardy.

Ár jyldary «Ulttyq aqparattyq tehnologııalar» AQ, «Zerde» ulttyq ınfokommýnıkatsııalyq holdıngi» AQ, QR Densaýlyq saqtaý jáne áleýmettik damý mınıstrliginde basshylyq qyzmetter atqardy.

2020 jyldan bastap qazirgi ýaqytqa deıin — QR eńbek jáne halyqty áleýmettik qorǵaý vıtse-mınıstri.