Erbol Qarashókeev: Reseıden dándi daqyl tuqymyn ákelý problemasy sheshildi
«Buǵan deıin buqaralyq aqparat quraldary birneshe ret habarlaǵandaı, Reseıden dándi daqyldardy jetkizý problemasy qalyptasqan. Munyń sebebi Reseı tarapynyń daqyldardy eksporttaýǵa tyıym salýy bolǵan edi. Bul tuqymdar bizge sortty jańartý jáne sortty aýystyrý úshin qajet ekenin eskere otyryp, másele Premer-Mınıstrlerdiń orynbasarlary deńgeıinde kóterilip, nátıjesinde Reseı Federatsııasynyń Úkimeti tuqymdardy áketýge tyıym salýdy alyp tastady», - dedi mınıstr ortalyq kommýnıkatsııalar qyzmetindegi baspasóz máslıhatynda.
Onyń atap ótýinshe, Reseı tyıym salýdy tuqymǵa ruqsat berý tártibine aýystyrý týraly sheshim qabyldaǵan
«Qazirgi ýaqytta bizdiń aqparatymyz boıynsha ruqsat berý tártibi ázirlendi. Ol jaqyn arada bekitiledi. Sondyqtan Reseıdpen ákeletinetin tuqym kólemi der ýaqytyndan, elimizdiń soltústik óńirlerinde kóktemgi dala jumystarynyń basyna deıin jetkiziledi», - dedi Erbol Qarashókeev.