Erbol Qarashókeev maqta baǵasyna qatysty túsinik berdi
«Bıyl ósirilgen maqtany satý baǵasyna qatysty problema boldy. Osy jyly maqtanyń alańy 16 myń gektarǵa ulǵaıyp, 126 myń gektardy qurady. Buǵan maqtany 2021 jylǵy satyp alý baǵasynyń 2020 jylǵa qaraǵanda kúrt ósip, ár tonnasyna 350 myń teńgeni quraǵan joǵary quny yqpal etti. Alaıda bıyl maqta baǵasy joǵary bolady degen boljam aqtalmady. Álemdik naryqtarda suranys tómendegendikten, maqtanyń álemdik baǵasy da tómendedi», - dedi E. Qarashókeev.
Onyń aıtýynsha, atalǵan máseleni retteý maqsatynda ónimdi ótkizý problemasyn sheshýge baǵyttalǵan sharalardy qabyldaý kerek. Atap aıtqanda, maqtany odan ári ótkizý múmkindigine qaraı tıisti egis alańdaryn aıqyndaý, óńirdi sýmen qamtamasyz etý, sondaı-aq shetel kompanııalaryn tarta otyryp, maqtany elimizde qaıta óńdeý sharalaryn qabyldaý mańyzdy. Bul máselelerdi Aýyl sharýashylyǵy mınıstrligi jergilikti atqarýshy organdarmen birlesip pysyqtap jatyr.
Foto: primeminister.kz