ASTANA. KAZINFORM — Shvetsııanyń Týrsbıý qalasynda ótken IBU para bıatlonnan álem kýbogy kezeńinde qazaqstandyq Erbol Hamıtov jeńiske jetti.
Erbol Hamıtov 7,5 shaqyrymǵa sprınt jarysynda 19:38.0 ýaqyt nátıjesimen máre syzyǵyn birinshi bolyp qıdy.
2024 jyly ol Kanadadaǵy álem chempıonatynda kúmis júldege qol jetkizdi, Álem kýbogy kezeńderinde birneshe márte júldeli oryndarǵa ıe boldy.
Sondaı-aq ol bıyl aqpan aıynda Slovenııanyń Poklıýka qalasynda ótken álem chempıonatynda altyn aldy. Erbol Hamıtov 12,5 shaqyrymdyq jekeleı synda joǵary nátıje kórsetti.
Qazaqstandyq sportshy para shańǵy men para bıatlonnan Italııanyń Martel qalasynda ótip jatqan álem kýboginiń ekinshi kezeńinde qola júldeger atanǵan edi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.