Erasyl Qajybaev «Qazaqstan Barysy-2024» týrnıriniń chempıony atandy

<p>ASTANA. KAZINFORM &ndash; Astana qalasynda Respýblıka kúnine oraı, qazaq kúresinen ótken &laquo;Qazaqstan barysy-2024&raquo; respýblıkalyq týrnırinde Erasyl Qajybaev qarsylasyn utyp chempıon atandy.</p>

Naqytyraq aıtsaq, Astanadaǵy «Barys Arena» sport kesheninde qazaq kúresinen HІІІ respýblıkalyq «Qazaqstan barysy» týrnıriniń fınalynda Ersultan Muzapparov (Shymkent qalasy) pen Erasyl Qajybaev (Abaı oblysy) beldesti. 

Nátıjesinde Erasyl Qajybaev qarsylasyn sońǵy sátte taza utyp, týrnır jeńimpazy atandy.

Al qazaq kúresinen HІІІ respýblıkalyq «Qazaqstan barysy» týrnıriniń 3-oryn úshin beldesýde Saıat Shamshıev (Abaı oblysy) pen Ádil Orazbaev (Ásker barysy) sheberlik baıqasty. Nátıjesinde Abaı oblysynyń balýany Saıat Shamshıev basym túsip, «Qazaqstan barysy – 2024» týrnıriniń 3-oryn ıegeri atandy.

Osylaısha 42 balýan baq synap jatqan týrırdiń sheshýshi synyna da kelip jetti.

Bul týrnırde oblystyq jarystardyń qorytyndysy boıynsha iriktelgen elimizdiń eń myqty balýandary baq synap jatyr. Olar elimizdiń 17 oblysy men Respýblıkalyq mańyzy bar 3 qala Astana, Almaty jáne Shymkent qalalarynyń sportshylary. 

Atalǵan týrnırdiń jeńimpazyna 15 000 000 teńge berilse, 2-oryn alǵan sportshy 3 300 000 teńgege ıelik etedi. Al 3-orynǵa qol jetkizgen balýan 1 080 000 teńge kóleminde syıaqy alady. 

Sonymen qatar ár balýan ár beldesýde jeńiske jetkeni úshin taǵy 100 000 teńgeden alyp otyrady. 

Jalpy «Qazaqstan barysy-2024» respýblıkalyq týrnırdiń júlde qory - 27 100 000 teńge. 

Atalǵan týrnırde jeńiske jetken balýandardyń bapkerleri de syıaqysyz qalmaıdy. 3 720 000 teńge sportshylardyń jattyqtyrýshylaryna beriledi.

Atalǵan iri doda «Barys-Arena» stadıonynda ótip jatyr.

Aıta keteıik, osyǵan deıin jartylaı fınalǵa kimderdiń shyqqanyn jazǵan edik.