Eraly Toǵjanov «Pfizer»-di jappaı qoldaný men Qaırat Boranbaevtyń ustalýyna qatysty pikir bildirdi

NUR-SULTAN. QazAqparat – QR Premer-Mınıstriniń orynbasary Eraly Toǵjanov Qazaqstan aýmaǵynda «Pfizer»-di qoldaný aıasynyń keńeıýine Qaırat Boranbaevtyń ustalýynyń esh qatysy joq ekenin aıtty, dep habarlaıdy QazAqparat tilshisi.

«Pfizer» ekpesin qazaqstandyqtardyń jappaı saldyrýyna jol ashatyn sheshim shyqqan edi. Munyń Qaırat Boranbaevtyń ustalýy áser etken joq pa», - dep surady BAQ ókilderi Úkimet otyrysynan keıin vıtse-premer Eraly Toǵjanovtan.

«Onyń eshqandaı qatysy joq. Ol azamattyń kompanııasynyń aınalasynda (...) «Spýtnık» vaktsınasyna baılanysty ǵoı. Sondyqtan «Pfizer»-ge eshqandaı baılanysy joq. Búgin bizde «Pfizer»-diń 2 mıllıonnan astam dozasy bar. Ony azamattardyń tolyqtaı alýyna múmkindigi bar. Onymen qosa bizde Qytaıdyń vaktsınasy da jetkilikti. Áli 2 mıllıonǵa jýyq dozasy bar. Onymen qatar ózimizdiń vaktsına bar. Aı saıyn 500 myń doza shyǵyp jatyr. Sondyqtan qazir azamattarǵa úsh túrli vaktsına boıynsha tolyqtaı múmkindik berip otyrmyz», - dedi Eraly Toǵjanov.