Eraly Toǵjanov oblys ákimderine týrızm ınfraqurylymdaryn damytýdy tapsyrdy
«Óz kezeginde memlekettik qoldaý sharalary jalpy týrızmniń jańa jáne rekonstrýktsııalanatyn obektileri úshin ınjenerlik-kommýnıkatsııalyq ınfraqurylymdardy salýǵa da, rekonstrýktsııalaý baǵytyndaǵy jumystardy qarqyndy arttyrýǵa da tikeleı áser etkenin jaqsy bilesizder. Biraq olarǵa endi naqty talap pen ekijaqty jaýapkershilik kerek dep oılaımyz. Aımaqtarda da týrızmdi damytý úshin naqty tapsyrmalar berilip otyr. Bul baǵytta barlyq oblystar eńbek etti», - dedi E. Toǵjanov QR Mádenıet jáne sport mınıstrliginiń Týrızm salasy boıynsha alqa májilisinde.
Degenmen spıker birneshe oblysta osy baǵyttaǵy jumysty kúsheıtý kerektigin atap ótti.
«Atap aıtqanda Shyǵys Qazaqstan, Qaraǵandy, Soltústik Qazaqstan oblystarynda týrızmdi damytýǵa qajetti ilespe ınfraqurylymdardyń qajettiligin qamtamasyz etý mindeti qoıylady. Sony eskere otyryp, barlyq ákimdikterge, ásirese atalǵan oblys ákimderine basym týrıstik aýmaqtardaǵy ınfraqurylymdy damytý jónindegi sharalardy qabyldaýdy tapsyramyn», - dedi Eraly Toǵjanov.
Aıta keteıik, 2021 jyly Qazaqstandaǵy týrızm salasyna 564 mlrd teńge ınvestıtsııa túsken.