Eraly Toǵjanov medıtsınalyq ońaltýǵa bólingen qarajatty qaıta qaraýdy tapsyrdy

NUR-SULTAN. QazAqparat – Bıyl halyqty medıtsınalyq ońaltý sharalaryna 66 mlrd teńge jumsalmaq. QR Premer-Mınıstriniń orynbasary Eraly Toǵjanov Densaýlyq saqtaý mınıstrligine osy qarajatty qaıta qaraýdy tapsyrdy, dep habarlaıdy QazAqparat tilshisi.

«Medıtsınalyq ońaltýdy damytý baǵytynda aıtarlyqtaı ózgerister bar. Salany qarjylyq qamtamasyz etý kólemi ulǵaıdy. Maǵan berilgen derekter boıynsha, medıtsınalyq ońaltýǵa 2022 jyly 66 mlrd teńge qarastyrylǵan. Bul 2019 jylmen salystyrǵanda 11 ese kóp. Biraq osy jerde mende basqa suraq týyndap otyr. Bul úlken eseppen alǵanda óte jaqsy kórsetkish, tek kórsetiletin qyzmet sanyn qaraý kerek. Aqshasy boıynsha 11 ese ósim bar, al qyzmet sany sonshalyq kóp emes», - dedi vıtse-premer.

Úkimet basshysynyń orynbasary atalmysh qarajatty tıimdiligi turǵysynan qaıta qaraý kerek dep esepteıdi.

«Eger ashqasy 11 ese kóterilse, ońaltý qyzmetin alatyn azamattardy sany da 11 ese bolmasa da, 3-5 ese ósetindeı múmkindik bar ǵoı. ıAǵnı, biraz suraqtar bar. Sondyqtan qaıtadan qaraý kerek», - dedi Eraly Toǵjanov