Eraly Toǵjanov qurlyqtaǵy shekarany qaıta ashýdy tapsyrdy

NUR-SULTAN. QazAqparat – QR Premer-Mınıstriniń orynbasary Eraly Toǵjanov áýe jáne barlyq qurlyqtaǵy qatynasty qalpyna keltirýge daıyn ekenimizdi aıtty, dep habarlaıdy QazAqparat tilshisi.

«Biz áýe jáne qurlyqtaǵy búkil qatynastardy barynsha qalpyna keltirýge daıynbyz», - dedi E. Toǵjanov QR Mádenıet jáne sport mınıstrliginiń týrızm salasy boıynsha alqa májilisinde.

Premerdiń orynbasary qazirgi ýaqytta 23 elmen halyqaralyq qatynas aıasynda 78 marshrýt ashylǵanyn, olardyń aptasyna 259 reıs jıiligimen oryndalatynyn atap ótti.

57 ishki marshrýt boıynsha reıster tolyǵymen qalpyna keldi jáne 65 turaqty reıs júredi.

«Osyǵan baılanysty Densaýlyq saqtaý, Mádenıet jáne sport, Syrtqy ister mınıstrlikterine basqa da múddeli vedomstvolarmen birlesip, áýe jáne jerdegi shekaralardyń ashylýyn pysyqtaýdy tapsyramyn», - dedi Eraly Toǵjanov.

Sonymen birge spıker birqatar aımaqtarda koronavırýs qarqyny áli de artyp kele jatqanyn atap ótti.

«Qytaıǵa qatysty barlyq derekter Úkimet otyrysynda aıtyldy. Búginde álemniń 37 elinde vırýs órship jatyr. Bul Malaızııaǵa da qatysty – bizdiń azamattar sol elge de jıi barady, sondyqtan áli de belgili bir problemalar bar. Biraq osyǵan qaramastan barynsha jaǵdaı jasaýǵa tyrysamyz», - dedi Eraly Toǵjanov.