Eraly Toǵjanov Qaraǵandy oblysynda «Aýyl – el besigi» jobalarymen tanysty
Bul joba aýyldaǵy ómir sapasyn arttyrýǵa baǵyttalǵan. 2025 jylǵa deıin eldegi aýyl turǵyndarynyń 80% atalmysh jobamen qamtý kózdelip otyr.
Qaraǵandy oblysynda «Aýyl – el besigi» jobasy 179 aýylda júzege asyrylýda, jospar boıynsha 140 nysan salynyp, jańǵyrtylady. 2019-2020 jyldary turǵyn úı-kommýnaldyq, áleýmettik jáne sporttyq-saýyqtyrý salalaryndaǵy 73 jobany iske asyrý aıaqtaldy. Bıylǵy jyly Qaraǵandy oblysynda 60 jobany júzege asyrýǵa 6,4 mlrd teńge bólindi.
Eraly Toǵjanov Osakarov jáne Nura aýdandarynda salynyp jatqan nysandarmen tanysty. Aýyl turǵyndary úshin qolaıly jaǵdaı jasalǵan bilim berý, densaýlyq saqtaý, áleýmettik ınfraqurylym mekemelerine bardy. Bıyl Nura aýdanynda tórt aýyl men eki kenttiń joldary jóndeldi, demalys parkine rekonstrýktsııa júrgizildi.
Premer-Mınıstrdiń orynbasary aýyl turǵyndary úshin qolaıly orta qurý boıynsha respýblıkadaǵy úzdik otyzdyqtyń qataryna engen Shahterskoe aýylyna bardy. Munda zamanaýı júzý basseıni men dene shynyqtyrý-saýyqtyrý kesheni salynǵan.
Atalǵan joba Osakarov aýdanynda ortalyq jáne kentishilik kóshelerdi asfalttaý esebinen avtojoldardyń sapasyn edáýir jaqsartýǵa múmkindik berdi. Sondaı-aq aýdanda jeti áleýmettik mańyzdy joba júzege asyrylýda. Aýdandyq mektepte 700-ge jýyq oqýshy qosymsha bilimmen qamtylǵan.
Sondaı-aq vıtse-premer «Aýyl – el besigi» jobasyn joǵary baǵalap, el basshylyǵyna alǵys bildirgen Nura jáne Osakarov aýdandarynyń turǵyndarymen kezdesti. Jalpy, Eraly Toǵjanov oblys ákimdiginiń aýyldaǵy ómir sapasyn jaqsartý boıynsha júrgizip jatqan jumysyna oń baǵa berdi.
Premer-Mınıstrdiń orynbasary «Aýyl – el besigi» jobasyn iske asyrý eldegi damý áleýeti joǵary aýyldardyń áleýmettik jáne ınjenerlik ınfraqurylymyn jańǵyrtýǵa múmkindik pen aýyldyq aýmaqtardy damytýǵa jańa serpin beretinin jáne jalpy el ekonomıkasyna oń áser etetinin atap ótti.