Eraly Toǵjanov Batys Qazaqstan oblysynda boldy
Birinshi nysan - óńirdegi jetekshi zamanaýı «Uniserv Medical Center» klınıkasy, onda medıtsınalyq qyzmetterdiń tolyq spektri kórsetiledi.
Budan ári vıtse-Premer Terekti aýdanynyń Podstepnoe kentindegi dene shynyqtyrý-saýyqtyrý kesheniniń jáne Zachagansk kentindegi burynǵy meıramhana ǵımaratynda ashylǵan «Shabyt» mektepten tys jumys ortalyǵynyń qyzmetimen tanysty. Atqarýshy organdardyń qoldaýymen jergilikti kásipkerler memlekettik-jeke menshik áriptestik aıasynda oıyn-saýyq bıznesin áleýmettik jobaǵa qaıta beıimdedi.
Eraly Toǵjanov Memleket basshysynyń Joldaýda balalar sportyn damytýǵa basymdyq bergenin aıryqsha atap ótti. Qazirgi ýaqytta Batys Qazaqstan oblysynda mektepten tys qosymsha bilim berýmen qamtý kórsetkishi 98,7% - dy quraıdy. Oblystyń on myńdaǵan jasóspirimderiniń úıirmeler men jastar ujymdarynda shyǵarmashylyqpen jáne sportpen shuǵyldanýǵa múmkindigi bar.
Sondaı-aq, delegatsııa áleýmettik kásipkerlik baǵdarlamasy aıasynda ashylǵan nysandardy aralady. Atap aıtqanda, «Protezdeý jáne ortopedııa ortalyǵy», erekshe qajettilikteri bar azamattarǵa konsýltatsııalyq jáne psıhologııalyq qoldaý kórsetiletin «Teń qoǵam» áleýmettik qoldaý ortalyǵy.
Sapar aıasynda Premer-Mınıstrdiń orynbasary óńirdegi epıdemıologııalyq ahýal máseleleri boıynsha oblys aktıvimen keńes ótkizdi.
E. Toǵjanov COVID-19-ǵa qarsy vaktsınatsııalaý deńgeıin kúsheıtýdi, sondaı-aq óńirdegi epıdemıologııalyq jaǵdaıdyń nasharlaýyna jol bermeý úshin barlyq qajetti sharalardy qabyldaýdy tapsyrdy.
Keńes sońynda Premer-Mınıstrdiń orynbasary oblys basshylyǵynyń áleýmettik máselelerdi sheshý jónindegi oń jumysyn atap ótti – óńirde shaǵyn jınaqtalǵan, úsh aýysymdy mektepterdiń ornynda zamanaýı bilim berý nysandary salynýda, memlekettik-jekeshelik áriptestik belsendi damýda, halyqtyń osal toptaryna qoldaý kórsetilýde.
Vıtse-Premer oblys ákimdigine óńirdi damytý jáne Memleket basshysy alǵa qoıǵan mindetterdi sheshý jóninde birqatar naqty tapsyrmalar berdi.