Eraly Toǵjanov basshylar men jumysshylardyń aılyq aıyrmashylyǵyn azaıtýǵa qatysty aıtty

NUR-SULTAN. QazAqparat – QR Premer-Mınıstriniń orynbasary Eraly Toǵjanov Eńbek jáne halyqty áleýmettik qorǵaý mınıstrliniń keńeıtilgen alqa májilisinde kvazımemlekettik kompanııa basshylary men jumysshylardyń aılyǵyndaǵy aıyrmashylyqty qysqartý týraly pikir bildirdi, dep habarlaıdy QazAqparat tilshisi.

«Eńbek tabysynyń dısbalansyn joıý qajet. Onyń ishinde memlekettik qoldaý sharalarymen qamtylǵan kásiporyndarǵa qyzmetkerleriniń tabysyn arttyrýǵa baǵyttalǵan qarymta jaýapkershilikter júktelýi kerek», - dedi Úkimet basshysnyń orynbasary.

Onyń aıtýyna qaraǵanda, basshylar men óndiriste ter tógip júrgen jumysshylardyń aılyǵyndaǵy aıyrmashylyqty qysqartý máselesin jan-jaqty pysyqtaý qajet.

«Búkil kompanııalarda, sonyń ishinde kvazımemlekettik sektorda da basshylyq laýazymdaǵy qyzmetshiler men óndiristegi personaldyń aılyǵyndaǵy aıyrmashylyqty qysqartý týraly usynysty pysyqtaý qajet. Bul endi ońaı másele emes. Bul jerde biraz másele bar ekenin jaqsy bilemiz. Kásipodaq ókilderi de bul máseleni kóterip jatyr. Sondyqtan ony birge qarastyrýǵa biz daıynbyz», - dedi Eraly Toǵjanov.