Eraly Toǵjanov: Barlyq áleýmettik mindettemeler ýaqytynda oryndalady
Bul týraly Úkimettiń resmı saıtynda habarlandy.
Delegatsııa quramynda energetıka mınıstri Nurlan Noǵaev, QR Prezıdentiniń kómekshisi Qanat Bozymbaev, «QazMunaıGaz» UK AQ basqarma tóraǵasy Alık Aıdarbaev, sondaı-aq densaýlyq saqtaý mınıstriniń orynbasary Kamaljan Nadyrov, ındýstrııa jáne ınfraqurylymdy damytý mınıstriniń orynbasary Amanııaz Erjanov, ulttyq ekonomıka mınıstriniń orynbasary Ermek Alpysov, eńbek jáne halyqty áleýmettik qorǵaý mınıstrligi komıteti tóraǵasynyń orynbasary Tólegen Ospanov bar.
13 naýryzda delegatsııa Mańǵystaý, Atyraý oblystarynda boldy.
Jumys sapary barysynda Eraly Toǵjanov bes óńirde oblys ákimderi men munaı-gaz sektory ókilderiniń qatysýymen munaı jáne munaı gaz salasyndaǵy qyzmet kórsetý kompanııalarynyń problemalyq máseleleri boıynsha birqatar kezdesýler ótkizdi. Kezdesýlerde álemdik qarjy-ekonomıkalyq daǵdarystyń Qazaqstan ekonomıkasyna áseri, sondaı-aq áleýmettik-eńbek kún tártibiniń ózekti máseleleri talqylandy.
«Álemdegi ekonomıkalyq jaǵdaıdy qıyndatatyn eń úlken másele - munaı baǵasynyń tómendeýi. Sonymen qatar, koronavırýstyq indet ekonomıkaǵa keri áserin tıgizdi. OPEK+ músheleriniń kelispeýshiligi munaı baǵasynyń 30% tómendeýine ákeldi. Bolashaqta ekonomıkalyq damýdyń stsenarııi jáne bıýdjettik parametrlerdiń esebi munaıdyń bir barreli 20-40 dollar deńgeıinde eseptelýi múmkin «, - dedi Eraly Toǵjanov.
Sonymen birge, Qazaqstan Respýblıkasy Premer-Mınıstriniń orynbasary jınalysqa qatysýshylardy áleýmettik turaqtylyq pen ult densaýlyǵy máseleleri el Prezıdentiniń turaqty baqylaýynda jáne Úkimet qazirdiń ózinde qajetti sharalardy qabyldaýda dedi.
«Birinshiden, barlyq áleýmettik mindettemeler ýaqtyly oryndalady. Ekinshiden, eńbek naryǵyndaǵy turaqtylyqty qamtamasyz etý jáne jumyssyzdyqtyń kúrt ósýine jol bermeý úshin eldi mekenderdi jóndeý jáne abattandyrý boıynsha ınfraqurylymdyq jobalardy iske asyrý úshin arnaıy jol kartasy jasalynýda. Bul rette jumystan bosatylatyn jumysshylar men jumyssyzdardy jumysqa ornalastyrýǵa erekshe kóńil bólinedi», - dedi QR Premer-Mınıstriniń orynbasary.
Azamattardyń ál-aýqatyn saqtaýdyń mańyzdylyǵyn atap ótken Eraly Toǵjanov jergilikti bılik organdary men jumys berýshilerdi ár aımaqta áleýmettik kepildikterdi qamtamasyz etý sharalaryn kúsheıtýge shaqyrdy.
«Ózderińiz bilesizder, munaı-gaz salasy - el ekonomıkasynyń negizgi qozǵaýshy kúshi. Halyqtyń ál-aýqaty úshin eń bastysy - jumyspen qamtý. Sondyqtan búgingi tańda jumys oryndaryn saqtaý jáne qyzmetkerlerge eńbekaqyny ýaqtyly tóleý óte mańyzdy», - dedi Eraly Toǵjanov.
Kezdesýler barysynda oblys ákimderi Úkimet múshelerine óz aımaqtaryndaǵy áleýmettik-eńbek jaǵdaıy týraly tolyq aqparat berdi.
Mańǵystaý oblysynyń ákimi Serikbaı Trumovtyń aıtýynsha, 9 bankrottyq kásiporynda 127 qyzmetkerge 75,9 mıllıon teńge kóleminde jalaqy qaryzdary bar. Olardyń qaıtarymy bankrottyq rásimder aıasynda júzege asyrylady. Jalpy oblysta eki myńǵa jýyq jańa jumys oryndary quryldy, al 293 726 teńge kólemindegi jalaqy respýblıka boıynsha ortasha kórsetkishten joǵary. Mańǵystaý oblysynda ataýly áleýmettik kómekti 2,5 myń otbasy alady.
Atyraý oblysynyń ákimi Mahambet Dosmuhambetovtyń aıtýynsha, aımaqtaǵy jumyssyzdyq deńgeıi 4,8% quraıdy. Ataýly áleýmettik kómek 1200 otbasyna kórsetiledi. Jalpy oblysta áleýmettik turaqtylyqty saqtaý úshin barlyq sharalar qabyldanýda. Atyraý oblysynda jalaqy 334 583 teńgeni quraıdy. Bul da respýblıkadaǵy ortasha aılyq kórsetkishten asady. Búgingi tańda barlyq respýblıkalyq munaıdyń 52%-y Atyraý oblysynda óndiriledi. Іri óndirýshi kompanııalar - «Teńizshevroıl» JShS, «NKOK», «Qazmunaıgaz» AQ. Qazirgi ýaqytta munaı óndirisi salasynda 15 myńǵa jýyq jumysshy, munaı servıstik kompanııalarda 80 myńǵa jýyq adam jumys isteıdi.
QR Prezıdentiniń kómekshisi Qanat Bozymbaevtyń aıtýynsha, memleket munaı baǵasynyń quldyraýy men pandemııamen baılanysty daǵdarystyq jaǵdaılardyń aldyn alý boıynsha jospar ázirleýde.
Kezdesýge qatysqan TShO-nyń bas dırektory Imer Bonner «Teńizshevroıl» kompanııasynyń munaı óndirý men ony qaıta óńdeý jumystary qalypty jaǵdaıda júrgizilip jatqanyn atap ótti.
«TShO munaı baǵasynyń tómendeýine baılanysty qıyn ekonomıkalyq jaǵdaıdan shyǵa alady. Sebebi bizdiń kompanııa tarıhynda osyndaı kezeń bolǵan. Sonymen qatar, jumysshylardyń qysqarýy bolmaıdy. Biz ózimizdiń bıznes-sheshimderimizdi qarap jatyrmyz jáne barlyq mindettemelerdi oryndaımyz», - dedi TShO bas dırektory.
14 naýryzda Úkimettik delegatsııa Aqtóbe oblysynda boldy.
Oblys aktıvi, óńirdiń belsendileri jáne aımaqtaǵy eń iri munaı-servıstik kompanııalar basshylarymen kezdesýi barysynda Aqtóbe oblysynyń áleýmettik-eńbek salasyndaǵy aǵymdaǵy jaǵdaıy egjeı-tegjeıli sóz boldy. Aımaqtyń ónerkásip qurylymyndaǵy munaı gaz úlesi úlken, 35% -dan astamyn quraıdy.
Aqtóbe oblysynyń ákimi Ońdasyn Orazalınniń aıtýynsha, aımaqtyń munaı-gaz salasy kásiporyndarynda 15 myńnan astam qyzmetker jumys isteıdi. Jumys oryndaryn saqtaý aıasynda barlyq kompanııalarmen ujymdyq sharttar men memorandýmdarǵa qol qoıyldy. Qazaqstan Respýblıkasy Memleket basshysynyń tapsyrmasyna sáıkes osy jyldyń basynan bastap munaı-gaz salasynda jalaqynyń ósýi orta eseppen 15% qurady nemese 11 myńǵa jýyq qyzmetkerdi qamtydy. Basqa kásiporyndarda jalaqyny kóterý máselesi quryltaıshylardyń qaraýynda.
Úkimettik delegatsııanyń jumys sapary Batys Qazaqstan oblysynda jalǵasty.
Batys Qazaqstan oblysynyń ákimi Ǵalı Ysqalıev úkimettik delegatsııa múshelerin óńirdegi áleýmettik-ekonomıkalyq jaǵdaımen jáne munaı-gaz salasyndaǵy kásiporyndardyń jumysynyń ózekti máselelerimen tanystyrdy.
Oblys kásiporyndarynda jaǵdaı turaqty. Kásiporyndar qalypty rejımde jumys istep tur.
Aımaqtaǵy iri munaı-gaz jobalarynda COVID-19 jaǵdaıyna jáne valıýta baǵamynyń ózgerýine baılanysty shtat sanyn qysqartý josparlanbaıdy.
Oblys ákiminiń aıtýynsha, búginde oblysta sheteldik jumys kúshin tartatyn 108 kásiporyn men uıymda barlyǵy 19 024 adam jumys isteıdi. Sońǵy jyldary otandyq mamandardyń úlesi 94%-ǵa (17764) deıin ósti, al sheteldik mamandardyń úlesi 6%-ǵa (1260) deıin tómendedi.
Batys Qazaqstan oblysynyń ortasha aılyq jalaqysy - 183 459 teńge respýblıkalyq kórsetkish deńgeıinde.
15 naýryzda Premer-Mınıstrdiń orynbasary bastaǵan Úkimet músheleri Qyzylorda oblysyna bardy.
Premer-Mınıstrdiń orynbasary Eraly Toǵjanovtyń Qyzylorda oblysynyń ákimi Qýanyshbek Ysqaqovpen jáne munaı-gaz sektorynyń ókilderimen kezdesýinde jańa munaı ken oryndaryn ıgerý, osy salaǵa jańa tehnologııalardy engizý, sondaı-aq munaı servısindegi tarıfterdi ındeksteý máseleleri erekshe ózekti boldy.
Qýanyshbek Ysqaqovtyń aıtýynsha, Qyzylorda oblysynda ortasha jalaqy 150 235 teńgeni quraıdy, bul el boıynsha ortasha deńgeıden tómen.
Jalpy, jumyspen qamtýdy qamtamasyz etý maqsatynda aǵymdaǵy jyly memlekettik baǵdarlamalardy júzege asyrý aıasynda 13 myńnan astam jańa jumys oryndaryn qurý josparlanýda.
Sonymen qatar, oblys ákimdigi jumys oryndaryn saqtaý týraly 3 myńǵa jýyq iri jáne orta kásiporyndarmen memorandýmdarǵa qol qoıǵan. Oblystyń 30 iri jáne orta kásiporyndarmen jumysshylardyń baqylanatyn aǵymyna arnalǵan Jol kartasyna qol qoıyldy. Atalǵan karta boıynsha kásiporyndardan jumysshylardyń jumystan bosatylǵan kezinde olardyń múddeleri kadrlyq qajettilikke sáıkes qoldaý tabady.
Eraly Toǵjanov óńirlerdi damytý máseleleri el basshylyǵynyń erekshe baqylaýynda ekenin atap ótti.
«Oblysta daǵdarysqa qarsy sharalardy júzege asyrý úshin, ásirese óndiris nysandarynyń turaqty jumys isteýi men jumys oryndaryn saqtaý turǵysynan keshendi sharalar qabyldaý qajet. Óndiris kóleminiń qysqarýyna baılanysty jumysshylardyń bosatylýyna jol berilmeıdi. Bul kúrdeli másele», - dep atap ótti QR Premer-Mınıstriniń orynbasary.
Óńirlerdegi kezdesýlerdiń qorytyndysy boıynsha Qazaqstan Respýblıkasy Premer-Mınıstriniń orynbasary Eraly Toǵjanov Energetıka mınıstrligine jáne oblys ákimdikterine birqatar problemalyq máselelerdi sheshýde munaı-gaz salasynyń ókilderimen yntymaqtastyqty kúsheıtýdi tapsyrdy.
Eń aldymen, óndiris josparlaryn qaıta qaraý jáne munaı baǵasynyń ózgerýine baılanysty daǵdarysqa qarsy jol kartalaryn ázirleý tapsyryldy.
Eńbek mindettemelerin oryndaý aıasynda Eraly Toǵjanov eńbek daýlaryn boldyrmaý, jumys oryndaryn saqtaý jáne kásiporyndardyń jumysshylaryna ýaqtyly jalaqy tóleý jóninde naqty sharalar qabyldaýdy tapsyrdy.
Sondaı-aq koronavırýstyq ınfektsııanyń jergilikti jerlerde enýine jáne taralýyna jol bermeýge baǵyttalǵan sharalardy kúsheıtý qajettiligi aıtyldy.
Bes óńirge jasaǵan saparynda Eraly Toǵjanov oblys ákimderine elde buqaralyq mádenı jáne sporttyq is-sharalarǵa ýaqytsha tyıym salý, shekteýli oryndarda sanıtarlyq rejımdi nyǵaıtý jáne basqa da aldyn alý sharalaryn júzege asyrýdy erekshe baqylaýǵa alýdy tapsyrdy. Sonymen qatar, azamattardy azyq-túlikpen jáne qajetti taýarlarmen úzdiksiz qamtamasyz etý tapsyryldy.