Eraly Toǵjanov Almatydaǵy áleýmettik nysandardy aralady
«Asyl Mıras» aýtızm ortalyǵynyń jańa ǵımaraty Qonaev kóshesi, 122 mekenjaıda ornalasqan. Ortalyqtyń alańyn ulǵaıtýdyń arqasynda jylyna 300-ge jýyq otbasy beıimdeý baǵdarlamalarymen qamtylady.
«Asyl Mıras» 2015 jyly Bolat Ótemuratovtyń qory ashqan Almatydaǵy alǵashqy aýtızm ortalyǵy boldy. Ótken 7 jyl ishinde 2,8 myńǵa jýyq bala RAS belgilerin anyqtaý úshin dıagnostıkadan ótti, 1,5 myńǵa jýyq bala bilikti kómek aldy.
Ortalyq ınterventsııanyń alty baǵdarlamasy boıynsha jumys isteıdi, olardyń árqaısysy áleýmettik, sóıleý jáne turmystyq daǵdylardyń tapshylyǵyn anyqtaýǵa jáne joıýǵa baǵyttalǵan.
Eraly Toǵjanov balalarǵa yntymaqtastyq, sóıleýdi túsiný, vızýaldy qabiletter men ózine-ózi qyzmet kórsetý daǵdylaryn damytýǵa múmkindik beretin stýdııalyq nusqasyn jáne ómirlik daǵdylardy damytý kabınetin aralap kórdi.
Munda ata-analarmen aqparattyq-túsindirý jumystaryn júrgizý úshin 30 oryndy konferents-zal bar. Ortalyqtyń barlyq qyzmetteri tegin kórsetiledi.
Aıta kketeıik, «Asyl Mıras» aýtızm ortalyqtar jelisi búgingi tańda Qazaqstannyń 9 qalasynda tabysty jumys isteýde. Jaqyn arada Taraz jáne Qaraǵandy qalalarynda taǵy eki ortalyq ashylady.
Sondaı-aq QR vıtse-premeri Eraly Toǵjanov «MEIIRIM» balalar men jasóspirimderge arnalǵan ońaltý ortalyǵynda boldy.
Erekshe qajettilikteri bar balalar men jasóspirimderge arnalǵan ońaltý ortalyǵynyń mamandary 16 jyl ishinde balalardy damytýdyń tanymal jáne usynylǵan júıelerinde, sondaı-aq pedagogıkalyq quramynyń baı tájirıbesine negizdelgen ózindik biregeı baǵdarlama ázirledi.
Shyn máninde, bul 3 jastan 16 jasqa deıingi erekshe balalarǵa arnalǵan balabaqsha-mektep, munda atalǵan toptaǵy balalar ósý kezeńine deıin mamandandyrylǵan fızıkalyq jáne bilim berý ońaltýdyń tolyq baǵdarlamasynan ótedi.
2005 jyldan bastap ońaltý ortalyǵynda 450 bala oqytyldy, olardyń 200-i jalpy bilim beretin nemese jeke menshik mektepterde, 100-i memlekettik arnaıy mekemelerde oqýyn jalǵastyrdy.
38 tárbıelenýshi ońaltý baǵdarlamasynan keıin múgedekter arbasynyń kómeginsiz óz betinshe qozǵala bastady, júrgizýshi quraldar kómegimen - 52 bala.
Tirek-qımylsyz qalypqa dýshar bolǵan balalar úshin bul úlken jetistik jáne erekshe bala tárbıelep otyrǵan búkil otbasynyń ómir súrý sapasyn arttyrady.
«Almaly» holdınginiń bas dırektory Qaırat Boranbaevtyń aıtýynsha, balalardy qoldaý memleket úshin óte mańyzdy
«Mundaı formattaǵy ortalyq - elimiz úshin biregeı jáne ázirshe Qazaqstanda jalǵyz. Ony erekshe qajettilikteri bar balalar úshin ǵana emes, olardyń ata-analary úshin de ońaltý dep sanaýǵa bolady. Eldiń basqa aımaqtarynda erekshe balalardyń ata-analary óz betinshe tamaq ishýge qabiletsiz balalaryn búkil jumys kúni boıyna qaraýsyz tastap kete almaıdy. Al bul balalardyń analary jumys isteýge, ózderin damytýǵa jáne otbasy men basqa balalarǵa ýaqyt bólýge múmkindik alady. Bul tek tolyq jumys aptasy rejıminde erekshe balalarǵa kútim jasaıtyn balabaqsha ǵana emes, balalar men ata-analaryna ómir sapasyn jaqsartýǵa kómektesetin túrli daǵdylardy úıretedi»,- dedi ol.
QR Premer-Mınıstriniń orynbasary Eraly Toǵjanov ońaltý ortalyǵymen tanysqannan keıin júrgizilip jatqan jumysty joǵary baǵalap, aldaǵy qyzmetine tabys tiledi.