Eraly Toǵjanov aqyn Tólegen Aıbergenovtiń eskertkishine gúl shoqtaryn qoıdy

AQTÓBE.QazAqparat - Aqtóbe oblysynda Otan qorǵaýshylar jáne Jeńis kúni qarsańynda qazaq halqynyń kórnekti qaıratkerleriniń eskertkishterine gúl shoqtaryn qoıý boıynsha is-sharalar ótip jatyr, dep habarlaıdy QazAqparat.

Búgin oblys ákimi Eraly Toǵjanov, aqyndar, jazýshylar jáne zııaly qaýym ókilderi kórnekti aqyn Tólegen Aıbergenovtiń rýhyna taǵzym etip, qurmet kórsetti.

Gúl shoqtaryn qoıý rásimi barysynda óńir basshysy qazaq dalasynyń qasıetti topyraǵynda qanshama talanttar týǵan bolsa, Tólegen Aıbergenov sol talanttardyń biregeıi dep atap ótti.

«Shyn talant qartaımaq emes. Sondyqtan uly shyǵarmashyl qaıratkerlerdiń esimderi ǵasyrlar boıy ómir súrip, urpaqtan-urpaqqa berilip keledi. Tólegen Aıbergenov - eshkimge uqsamaıtyn erekshe aqyn, onyń shyǵarmashylyǵynda adam rýhynyń kúshi aıqyn kórinedi. Onyń ólmes týyndylary jyldan-jylǵa, ǵasyrdan-ǵasyrǵa oqyrmandar men tyńdaýshylardy ózine baýraýda. Onyń esimi umytylmaıdy», - dep atap ótti Eraly Toǵjanov.

Jazýshy Meıirhan Aqdáýletuly tarıhı jadty saqtaý eń aldymen óskeleń urpaq úshin mańyzdy ekenin alǵa tartty.

«Erteńimiz búginnen bastalady. Al bizdiń «búgin» uly, kúshti tulǵalarymyzben «keshe» qalyptasqan. Olar týraly estelik, eń aldymen, bolashaq urpaqtyń ıgiligi úshin, jas qazaqstandyqtardyń rýhy myqty bolýy úshin, ar-ojdan, ar-namys bar ekenin túsinip, olardan asyp ketpeýi úshin, máńgilik qundylyqtardy ótkinshi qundylyqtardan ajyrata bilýi úshin saqtalýy kerek», - deıdi qoǵam qaıratkeri.

Shara barysynda № 21 mektep-gımnazııasynyń oqýshylary aqynnyń óleńderin oqydy.

Tólegen Aıbergenov 1937 jyly týǵan. Aqyn kózi tirisinde tek eki óleńder jınaǵyn shyǵara aldy, úshinshi kitap qaıtys bolǵannan keıin bir jyl ótken soń — 1968 jyly jaryq kórdi. Tólegen Aıbergenovtiń jarqyn, erekshe shyǵarmashylyǵy Qazaqstannyń qazirgi poezııasynda berik oryn aldy.

Aqtóbedegi aqynnyń eskertkishi 2021 jyly ornatyldy.