Eraly Toǵjanov «100 oqýlyq» jóninde: Qoǵamdyq sanaǵa qozǵaý salatyn úlken dúnıe
«Keshe Qazaqstan ǵana emes búkil dúnıejúzi kýá bolǵan úlken is-shara ótti. Qazaqstannyń tuńǵysh Prezıdenti Nursultan Nazarbaev gýmanıtarlyq bilimge baılanysty úlken jobany eldiń ortasyna saldy. Bul jaı ǵana joba emes. Búkil qoǵamdyq sana-sezimdi qozǵaıtyn úlken dúnıe bastaldy desem, artyq aıtpaspyn. 18 kitapty tupnusqadan tikeleı ana tilimiz - qazaq tiline aýdaryp, halyqqa jetkizýdiń astarynda úlken qozǵalys jatyr. Ol - sananyń qozǵalysy. Sol qozǵalysty búkil qoǵam bolyp, el bolyp tolyqtaı qoldaıtyndyǵymyzǵa senemin», - dedi Mańǵystaý oblysynyń ákimi.
Onyń paıymynsha, Elbasynyń «Jańa gýmanıtarlyq bilim. Qazaq tilindegi 100 jańa oqýlyq» jobasynyń aldyna qoıyp otyrǵan túpki maqsattary da bar.
«Básekelestik ortada bolý úshin, basqa memlekettermen terezemiz teń bolý úshin, solarmen birge damý úshin osyndaı úlken dúnıelerdi, sheteldegi úlken jańalyqtardy avtordan tikeleı aýdaryp, halyqqa, eń aldymen jastarǵa jetkizýdiń ózi erlik. Keshe Memleket basshysy naqty tapsyrmalar berdi, aldymyzǵa úlken maqsattar qoıdy. Aýdarylǵan 18 kitapty bıylǵy oqý jylynan bastap oqytylatyn pánderdiń bilim berý baǵdarlamasyna engizýdiń ózi jastarǵa baǵyttalǵan», - dedi ol.
Oblys ákiminiń aıtýynsha, aǵymdaǵy jyly 30 kitapty qazaq tiline aýdaryp shyǵarý úlken jumystyń bastamasy ǵana.
«Elbasynyń mundaı bastamalaryn barlyq óńir osylaı qoldap otyratyn bolsaq, bizdiń oqý standartymyzda, jalpy bilim berý júıesinde, balalardyń sana-seziminde úlken ózgeris bolady. Durys tálim-tárbıe alǵan bala erteń mindetti túrde eline paıda ákeledi», - dedi Eraly Toǵjanov.
Aıta keteıik, keshe elordada Elbasy Nursultan Nazarbaevqa «Jańa gýmanıtarlyq bilim. Qazaq tilindegi 100 jańa oqýlyq» jobasy aıasynda jaryq kórgen alǵashqy 18 kitap tanystyryldy.
Shara barysynda Memleket basshysy taǵy 30 kitaptyń bıyl qazaq tiline aýdarylatyndyǵyn aıtty.