Er-Rııad pen Damask sırııalyq bosqyndardy qaıtarýǵa jaǵdaı jasamaqshy

KAIR. TASS-QazAqparat - Er-Rııad pen Damask sırııalyq bosqyndardyń otanyna oralýyna jaǵdaı jasaýǵa kelisti. Bul týraly sársenbide Djıddada ótken Saýd Arabııasynyń Syrtqy ister mınıstri Feısal ben Farhan Ál Saýd pen Sırııa SІM basshysy Feısal Mıkdadtyń kelissózderiniń qorytyndysy boıynsha qabyldanǵan birlesken málimdemede aıtylǵan, dep habarlaıdy QazAqparat TASS-qa siltememen.

«Taraptar (Sırııada bar) gýmanıtarlyq máselelerdi sheshý, Sırııanyń barlyq aımaqtaryna kómek jetkizý úshin qolaıly jaǵdaı jasaý, sırııalyq bosqyndar men qonys aýdarýshylardy turǵylyqty jerlerine qaıtarý úshin qajetti jaǵdaı daıyndaý qajettiligi týraly kelisti (...) jáne olarǵa Otanyna aman-esen oralýǵa múmkindik berý, sondaı-aq barlyq Sırııa aýmaqtaryndaǵy jaǵdaıdy turaqtandyrýǵa yqpal etetin qosymsha sharalar qabyldaýǵa kelisti», - delingen Saýd Arabııasynyń baspasóz agenttigi keltirgen málimdemede.

Sonymen qatar, Saýd Arabııasy men Sırııa elder arasyndaǵy konsýldyq qyzmetter men áýe baılanystaryn qalpyna keltirý týraly sóz qozǵady.

«Taraptar eki elde konsýldyq qyzmet kórsetýdi qaıta bastaý jáne eki memleket arasyndaǵy áýe qatynasyn qalpyna keltirý jónindegi rásimderdiń bastalýyn quptaıdy», - delingen Saýd Arabııasynyń baspasóz agenttigi keltirgen SІM basshylarynyń málimdemesinde.