Epıdemııa bastalǵaly Reseıde aýrý juqtyrǵandar sany 4,5 mıllıonnan asty

MÁSKEÝ. TASS – QazAqparat – Reseıde koronavırýs juqtyrǵandar sany bir táýliktiń ishinde 9 167 adamǵa kóbeıdi. Epıdemııa bastalǵaly elde aýrýǵa shaldyqqandar sany 4 501 859 adamǵa jetti, dep habarlaıdy QazAqparat TASS aqparat agenttigine silteme jasap.

Reseıdiń jańa aýrýǵa qarsy kúres júrgizý boıynsha jedel shtab málimetinshe, aýrýǵa shaldyǵý jańa oqıǵalarynyń ósimi 0,2 paıyzdy quraǵan.

Koronavırýstan emdelip shyqqan adamdardyń sany táýlik ishinde 10 880-ge kóbeıip, 4 120 161 adamdy qurady. Shtab málimetinshe, saýyǵyp shyqqandardyń úlesi aýrý juqtyrǵandardyń jalpy sanynyń 91,5 paıyzy deńgeıinde qalǵan.

Reseıde COVID-19 vırýsynan qaıtys bolǵandar sany bir táýliktiń ishinde 405 adamǵa ósken (bir kún buryn – 393 adam). Infektsııadan barlyǵy

97 017 patsıent qaıtys boldy. Shtab málimetinshe, ólim deńgeıi 2,16 paıyzǵa deıin ósken.

Qazirgi kezde Reseıde 284 681 adam em jalǵastyryp jatyr.