Epıdahýal nasharlady: Bekshın almatylyqtarǵa úndeý joldady

ALMATY. QazAqparat - Almaty qalasynyń bas sanıtarııalyq dárigeri Jandarbek Bekshın megapolıs turǵyndarynan demalys jáne meıram kúnderi karantın talaptaryn qatań ustanýdy surady, dep habarlaıdy QazAqparat tilshisi.

«Men 60 jastan asqan aǵa býyn ókilderine júgingim keledi: birinshi kezekte Sizder óte muqııat bolyńyzdar. Toıǵa barýdy toqtaý kerek. Adamdar toıdy jasyryn túrde jasaıtynyn biz bilemiz», - dedi Jandarbek Bekshın onlaın brıfıng barysynda.

Ol qalada karantındi buzý faktileri kúndiz de, túnde de tirkelip jatqanyn atap ótti.

«Meniń jastarǵa aıtarym bar, ózimshildikti qoıý kerek. Sizder jassyzdar, aýrý sizderde sımptomsyz ótýi múmkin. Biraq ınfektsııany úılerińizge aparasyzdar. Saldarynan ınfektsııalardyń 37% otbasylarda tirkeledi. Osy faktilerdi eskere otyryp, jasyryn jumys isteıtin túngi klýbtar men meıramhanalarǵa barýdan bas tartý kerek», - dedi J.Bekshın.